Жиі қойылатын сұрақтар
Квазимемлекеттік сектор субъектілері депозиттерге бос ақшаны ораналастыру кезінде, егер бұл ақша бюджеттік болып табылса, Мемлекеттік қазынашылықтың келісімін алуды талап етеді.
Бұрын бюджеттен бөлінген, бірыңғай қазынашылық шотта болмайтын және ағымдағы қаржы жылының белгілі бір уақыт кезеңі ішінде пайдаланылмайтын бюджет қаражаты квазимемлекеттік сектор субъектілерінің уақытша бос бюджет қаражаты болып табылады.
Бюджет болып табылмайтын ақшаға қатысты орналастыруға Мемлекеттік қазынашылықтың келісімі талап етілмейді.
Бұл ретте алынған барлық сыйақы республикалық бюджеттің кірісіне бағытталуы тиіс.
Мысалы: Егер квазимемлекеттік сектор субъектілері бюджет қаражатын ораналастырса, Мемлекеттік қазынашылықтың келісімін алу қажет.
http://adilet.zan.kz/каz/docs/K2500000171
Қазақстан Республикасы Бюджет кодексінің 109-бабына сәйкес, Қазақстан Республикасы Президентінің бастамаларына арналған резервтен, Қазақстан Республикасы Үкіметінің немесе жергілікті атқарушы органның (ЖАО) резервінен бюджет ақшасын бөлу, сондай-ақ қолданылу мерзімі ағымдағы қаржы жылынан асатын шарттарды және мемлекеттік қазынашылық органында бұрын тіркелген АҚМ-ге қосымша келісімдерді тіркеу жағдайларын қоспағанда, АҚМ ағымдағы қаржы жылының 20 желтоқсанынан кейін тіркеуге жол берілмейді.
Мысалы: Мемлекеттік мекемеден Мемлекеттік қазынашылық департаментіне ағымдағы қаржы жылының 20 желтоқсанынан кейін АҚМ тіркеуге арналған өтінім келіп түсті. Осы өтінімді тіркеуге жол берілмейді, ерекшеліктер: ҚР Президентінің, ҚР Үкіметінің немесе ЖАО бастамаларына резервтен бюджет ақшасын бөлу, көпжылдық шарт және бұрын тіркелген шарттарға қосымша келісімдер.
Мемлекеттік мекемелердің АҚМ тіркеуді талап етпейтін азаматтық-құқықтық мәмілелерді қоспағанда, мемлекеттік қазынашылық органдарында олар міндетті түрде тіркелгеннен кейін күшіне енеді.
Мысалы: Мемлекеттік мекеме мен өнім беруші арасында жасалған шарттың талаптарына сәйкес, шарт мемлекеттік қазынашылық органында міндетті түрде тіркелгеннен кейін күшіне енеді. Мемлекеттік мекеме Мемлекеттік қазынашылық департаментіне АҚМ тіркеуге арналған өтінімді жібереді. АҚМ тіркелгенін растайтын құжат шартты тіркеу туралы хабарлама болып табылады.
http://adilet.zan.kz/kaz/docs/G25E0000328
Қазақстан Республикасы Бюджет кодексінің 110-бабының 4-тармағына сәйкес, бюджетті атқару жөніндегі орталық уәкілетті орган шығыстардың экономикалық сыныптамасы ерекшеліктерінің, оның ішінде жасалған АҚМ тіркеу міндетті болып табылатын шығыстар түрлерінің тізбесін айқындайды.
Қазақстан Республикасы Қаржы министрінің 2025 жылғы 27 маусымдағы № 328 бұйрығымен бекітілген Бюджеттің қазынашылық атқарылуы және оларға кассалық қызмет көрсету рәсімдерінің, қазынашылық есепке алу және мониторинг рәсімдерінің 177-тармағына сәйкес мемлекеттік мекемелер шығыстардың экономикалық сыныптамасының ерекшеліктері бойынша міндеттемелерді ағымдағы қаржы жылына арналған міндеттемелер бойынша қаржыландырудың жеке жоспарларымен бекітілген сомалар шегінде қабылдайды.
Қазақстан Республикасы Қаржы министрінің 2025 жылғы 20 мамырдағы № 242 бұйрығымен бекітілген Шығыстардың экономикалық сыныптамасы ерекшеліктерінің, оның ішінде жасалған азаматтық-құқықтық мәмілелерді тіркеу міндетті болып табылатын шығыстар түрлерінің тізбесі.
Мысалы: Егер мемлекеттік мекеме Қазақстан Республикасының Қаржы министрінің 2025 жылғы 20 мамырдағы № 242 бұйрығына енгізілген ерекшелік бойынша шарт жасаса және шарт сомасы айлық есептік көрсеткіштің жүз еселенген мөлшерінен асса,шарт Мемлекеттік қазынашылық департаментінде міндетті түрде тіркелуге тиіс.
http://adilet.zan.kz/kaz/docs/G25E0000242
Қазынашылық сүйемелдеу – қолма-қол ақшаны бақылау шоттары арқылы төлемдер жүргізу кезінде құрылыспен байланысты бюджеттік инвестициялық жобаларды іске асыру кезінде аванс беруге бөлінген қаражаттың нысаналы пайдаланылуын Бюджет кодексінің 110-бабына сәйкес ағымдағы бақылауды жүзеге асыру жөніндегі қызмет.
Мысалы: Мемлекеттік мекеме ғимаратты салуға немесе реконструкциялауға шарт жасасты. Шарт талаптарында 30% мөлшерінде аванс көзделген. Осы шарт қазынашылық сүйемелдеу шеңберіндеіске асырылуға тиіс.
Қазақстан Республикасының Бюджет кодексінің 109-бабының 9-тармағына сәйкес, мемлекеттік мекемелердің АҚМ тіркеуді жүзеге асыру тәртібін бюджетті атқару жөніндегі орталық уәкілетті орган айқындайды.
Мемлекеттік мекемелердің АҚМ тіркеу талаптары мен тәртібі Бюджеттің қазынашылық атқарылуы және оларға кассалық қызмет көрсету рәсімдерімен, қазынашылық есепке алу және мониторинг рәсімдерімен регламенттелген Қазақстан Республикасы Қаржы министрінің 2025 жылғы 27 маусымдағы № 328 бұйрығымен бекітілген.
Мысалы: Мемлекеттік мекеме шартты немесе тіркелген шартқа қосымша келісімді тіркеу үшін «Қазынашылық-клиент» ЦЖ бойынша Мемлекеттік қазынашылық департаментіне АҚМ тіркеуге арналған өтінім жібереді. Өтінімді, шартты тексеру тәртібі, аванстық (алдын ала) төлем мөлшері бюджеттің қазынашылық атқарылуы және оларға кассалық қызмет көрсету рәсімдері, қазынашылық есепке алу және мониторинг рәсімдерімен белгіленген.
http://adilet.zan.kz/rus/docs/G25E0000328