«Мұнай секторы ұйымдарын мұнай секторы ұйымдарының тізбесіне қосу тәртібін айқындау жөніндегі әдістемені бекіту туралы» Қазақстан Республикасы Премьер-Министрінің орынбасары – Қаржы министрінің 2023 жылғы 31 қаңтардағы № 94 және Қазақстан Республикасы Энергетика министрінің 2023 жылғы 2 ақпандағы № 50 бірлескен бұйрығына өзгерістер енгізу туралы бірлескен бұйрық

Қазақстан Республикасы

Қаржы министрлігі

Астана қаласы

2025 жылғы «__» __________

№ ___

Қазақстан Республикасы

Энергетика министрлігі

Астана қаласы

2025 жылғы «__» __________

№ ___

«Құқықтық актілер туралы» Қазақстан Республикасы Заңы
65-бабының 3-тармағына сәйкес БҰЙЫРАМЫЗ:

1. «Мұнай секторы ұйымдарын мұнай секторы ұйымдарының тізбесіне қосу тәртібін айқындау жөніндегі әдістемені бекіту туралы» Қазақстан Республикасы Премьер-Министрінің орынбасары – Қаржы министрінің
2023 жылғы 31 қаңтардағы № 94 және Қазақстан Республикасы Энергетика министрінің 2023 жылғы 2 ақпандағы № 50 бірлескен бұйрығына мынадай өзгерістер енгізілсін:

кіріспе мынадай редакцияда жазылсын:

«Қазақстан Республикасы Бюджет Кодексінің 58-бабының 3-тармағына, Қазақстан Республикасы Президентінің 2022 жылғы 10 қыркүйектегі № 1005 Жарлығымен бекітілген Қазақстан Республикасының мемлекеттік қаржысын басқарудың 2030 жылға дейінгі тұжырымдамасын іске асыру жөніндегі
іс-қимыл жоспарының 4-тармағына және Қазақстан Республикасы Президентінің төрағалығымен Қазақстан Республикасының Ұлттық қорын басқару жөніндегі кеңес отырысының 2023 жылғы 23 қаңтардағы № 23-01-10.1 хаттамасының 1-тармағының 1) тармақшасына сәйкес БҰЙЫРАМЫЗ:»;

көрсетілген бірлескен бұйрықпен бекітілген Мұнай секторы ұйымдарын мұнай секторы ұйымдарының тізбесіне қосу тәртібін айқындау жөніндегі әдістемеде:

1-тармақ мынадай редакцияда жазылсын:

«1. Осы Әдістеме Қазақстан Республикасы Бюджет Кодексінің
58-бабының 3-тармағына, Қазақстан Республикасы Президентінің 2022 жылғы 10 қыркүйектегі № 1005 Жарлығымен бекітілген Қазақстан Республикасының мемлекеттік қаржысын басқарудың 2030 жылға дейінгі тұжырымдамасын іске асыру жөніндегі іс-қимыл жоспарының 4-тармағына және Қазақстан Республикасы Президентінің төрағалығымен Қазақстан Республикасының Ұлттық қорын басқару жөніндегі кеңес отырысының 2023 жылғы
23 қаңтардағы № 23-01-10.1 хаттамасының 1-тармағының 1) тармақшасына сәйкес әзірленді және мұнай секторы ұйымдарының тізбесін (бұдан әрі – Тізбе) айқындау тәртібін регламенттейді.»;

9-тармақ мынадай редакцияда жазылсын:

«9.    Бюджетті атқару жөніндегі орталық уәкілетті орган ҰҚБК отырысында келісілген келесі қаржы жылына арналған Тізбені қоса бере отырып, бірлескен бұйрықтың жобасын әзірлейді және оны көмірсутектер бөлігінде жер қойнауын пайдалану саласындағы мемлекеттік саясатты жүзеге асыратын орталық атқарушы органмен бірлесіп ағымдағы қаржы жылының  желтоқсанында бекітеді.».

2. Осы бірлескен бұйрықтың орындалуын бақылау жетекшілік ететін мемлекеттік органдардың вице-министрлеріне жүктелсін.

3. Осы бірлескен бұйрық оған мемлекеттік органдар басшыларының соңғысы қол қойған күнінен бастап күшіне енеді.