«Бюджет түсімдері сыныптамасының ерекшеліктері бөлінісінде 2022 қаржы жылына арналған республикалық бюджет түсімдері болжамының жылдық сомасын бекіту туралы» Қазақстан Республикасы Қаржы министрінің 2021 жылғы 9 желтоқсандағы №1289 бұйрығына өзгеріс енгізу туралы
Қазақстан Республикасы Қаржы министрінің 2014 жылғы
4 желтоқсандағы № 540 бұйрығымен бекітілген Бюджеттің атқарылуы және оған кассалық қызмет көрсету ережесінің 52-тармағына сәйкес БҰЙЫРАМЫН:
- «Бюджет түсімдері сыныптамасының ерекшеліктері бөлінісінде
2022 қаржы жылына арналған республикалық бюджет түсімдері болжамының жылдық сомасын бекіту туралы» Қазақстан Республикасы Қаржы министрінің 2021 жылғы 9 желтоқсандағы №1289 бұйрығына мынадай өзгеріс енгізілсін:
көрсетілген бұйрықпен бекітілген Бюджет түсімдері сыныптамасының ерекшеліктері бөлінісінде 2022 қаржы жылына арналған республикалық бюджет түсімдері болжамының жылдық сомасы осы бұйрыққа қосымшаға сәйкес жаңа редакцияда жазылсын.
- Салық және кеден заңнамасы департаменті осы бұйрықты Қазақстан Республикасы Қаржы министрлігінің және мемлекеттік органдардың бюджет түсімдері сыныптамасының тиісті кодтары бойынша түсімдердің жиынтық жоспарына өзгерістер енгізу үшін салықтық, кедендік және басқа да бюджетке төленетін міндетті төлемдердің орындалуын бақылауды жүзеге асыратын құрылымдық бөлімшелердің назарына жеткізсін.
- Осы бұйрық қол қойылған күнінен бастап күшіне енеді және
2022 жылғы 31 желтоқсан аралығында қолданыста болады.
Қазақстан Республикасының
Қаржы Вице-министрі Е. Біржанов