Осы деңгейлес мониторинг жөніндегі пилоттық жобаны жүргізудің қағидалары (бұдан әрі – Қағидалар) 2017 жылы 25 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 68-бабы 1-1-тармағына сәйкес әзірленген.
Осы Қағидалар:
деңгейлес мониторинг жөніндегі пилоттық жоба (бұдан әрі – Пилоттық жоба) қолданатын салық төлеушілердің санатын;
Пилоттық жобаны жүзеге асыру кезіндесалық төлеушілердің, мемлекеттік кірістер органдарының және өзге де уәкілетті мемлекеттік органдардың, сондай-ақ ұйымдардың құқықтары мен міндеттерін;
Пилоттық жобаны іске асыруды жүзеге асыру (енгізу) аумағын (учаскесін) және (немесе) өңірін;
Пилоттық жобаны жүзеге асыру кезінде мемлекеттік кірістер органдары мен салық төлеушілердің іс-қимылдарының дәйектілігін қамтитын Пилоттық жобаны іске асыру (енгізу) қағидаларын;
Пилоттық жобаны іске асыру (енгізу) мерзімін айқындайды.
Пилоттық жоба Салық кодексінің 15-тарауында көзделген деңгейлес мониторингті жүргізудің тәртібін жетілдіру және жаңғырту, өзара іс-қимыл үшін салық төлеушілердің ішкі бақылау жүйесі мен ақпараттық жүйесіне қойылатын талаптарды белгілеу, сондай-ақ қолданыстағы заңнамаға өзгерістер мен толықтырулар енгізу мақсатында іске асырылады.