Қайтып оралуға арналған куәлік – иесінің жеке басын куәландыратын және Қазақстан Республикасына бір реттік келу құқығын растайтын құжат.
Қайтып оралуға арналған куәлікті Қазақстан Республикасының шетелдердегі мекемелері (бұдан әрі – шетелдердегі мекемелер):
1) Қазақстан Республикасының азаматтарына – олар Қазақстан Республикасынан тыс жерлерде болған уақытта Қазақстан Республикасы азаматының паспортын, Қазақстан Республикасы азаматының жеке куәлігін, Қазақстан Республикасының халықаралық шарттарында және келісімдерінде көзделген жағдайларда, Қазақстан Республикасының қызметтік немесе дипломатиялық паспортын жоғалтқан не олардың қолданылу мерзімі өткен жағдайда;
2) Қазақстан Республикасының кәмелетке толмаған азаматтарына – олар Қазақстан Республикасынан тыс жерлерде туған жағдайда;
3) Қазақстан Республикасында тұрақты тұратын азаматтығы жоқ адамдарға – олар Қазақстан Республикасынан тыс жерлерде болған уақытта азаматтығы жоқ адамның куәлігін жоғалтқан жағдайда;
4) босқындарға – олар Қазақстан Республикасынан тыс жерлерде болған уақытта жол жүру құжатын жоғалтқан жағдайда;
5) Қазақстан Республикасының азаматтарына және Қазақстан Республикасында тұрақты тұратын, Қазақстан Республикасына келу үшін құжаттары жарамсыз не Қазақстан Республикасына келуге арналған құжаттарын жоғалтқан азаматтығы жоқ адамдарға – олар Қазақстан Республикасына шығарып жіберілген, Қазақстан Республикасына ұстап берілген не Қазақстан Республикасы ратификациялаған реадмиссия туралы халықаралық шартқа сәйкес Қазақстан Республикасына берілген жағдайларда;
6) осы тармақтың 1), 3) және 4) тармақшаларында көрсетілген тұлғаларға – олар «Жеке басты куәландыратын құжаттар туралы» Қазақстан Республикасы Заңының 22-бабының 3) немесе 6) тармақшаларына сәйкес жарамсыз жеке басын куәландыратын құжаттарын тапсырған жағдайда ресімдейді.
Қайтып оралуға арналған куәлік Хорватия аумағынан басқа ЕО елдерінде болу және қозғалу үшін негіз болып табылмайды.
Егер Хорватия аумағында төлқұжатыңызды жоғалтқан жағдайда және сізге Қайтып оралуға арналған куәлік ресімделсе, сізде Хорватия әуежайынан Қазақстан әуежайына дейінгі кері әуе билеті болуы қажет. Бұл билет тек транзиттік аймақ арқылы (яғни, басқа мемлекеттердің шекарасынан өтпестен жасалатын ауысып отырулармен) сапарға арналуы тиіс.
Қайтып оралуға арналған куәлік алу үшін сіз құжаттар жоғалған немесе ұрланған деп болжанатын жердегі ең жақын полиция бөлімшесіне жүгініп, ресми өтініш жазуыңыз қажет.
Осыдан кейін, аталған өтінішпен және төменде көрсетілген құжаттармен Елшіліктің Консулдық бөліміне жүгінуіңіз қажет: