Қазақстан Республикасына кіруге және Қазақстан Республикасының аумағы арқылы транзиттік өтуге визалар беру, олардың мерзімін ұзарту
2024 ж. 1 қаңтардан бастап 16 жастан асқан өтініш берушілер міндетті түрде Қазақстанға виза ресімдеу шеңберінде дактилоскопиялық тіркеуден өтуі тиіс.
Мемлекеттік қызмет Қазақстан Республикасының Сыртқы істер министрлігі және шет елдердегі мекемелері көрсетеді.
Көрсетілетін мемлекеттік қызмет берушіге:
1) Көлемі 3,5х4,5 сантиметр түрлі-түсті немесе қара-ақ фотосуреті бар виза алуға арналған визалық сауалнама ( жүктеу).
2) өтініш.
3) ҚР шет елдердегі мекемелерінде немесе ҚР СІМ-де виза ресімдеу кезінде ҚР ІІМ-де немесе ҚР СІМ-де тіркелген қолдаухаттың нөмірі және оны тіркеу күні (виза алушыға шақырудың нөмірін және берілген күнін шақырушы тарап хабарлайды), немесе алушылардың қолдаухаты.
4) Шет мемлекеттің жарамды дипломатиялық, қызметтік және шетелдік паспорты, не болмаса Қазақстан Республикасы осы қалыпта таныған және Қазақстан Республикасының мемлекеттік шекарасын кесіп өтуге құқық беретін жеке басты куәландыратын өзге құжат (бұдан әрі – паспорт).
5) Консулдық алымды төлегенін растайтын төлем құжатының түпнұсқасы.
Төленген консулдық алымдардың сомасы қайтарылмайды (ҚР Салық кодексінің 629-бабының 7 тармағына сәйкес, 25.12.2017 N 120-VI нұсқа).
6) Виза санатына сәйкес қажетті қосымша құжаттар ( сілтеме).
Көрсетілетін қызметті берушіге құжаттардың топтамасын тапсырған сәттен бастап – 5 (бес) жұмыс күннен аспайды.
Соммасы -
Визаны рәсімдеу үшін консулдық алым мөлшері:
– бір мәртелік виза (туристік және транзиттік визалардан басқа) – 80 АҚШ доллары;
– көп мәртелік виза (туристік және транзиттік визалардан басқа) – 200 АҚШ доллары;
– туристік бір мәртелік виза – 60 АҚШ доллары;
– туристік көп мәртелік виза – 90 АҚШ доллары;
– транзиттік бір мәртелік виза – 20 АҚШ доллары;
– транзиттік көп мәртелік виза – 90 АҚШ доллары;
* Консулдық алымдар тек АҚШ долларында алынады.
Төлемдер тек «Money Order» түрінде қабылданады. Консулдық төлемдер қолма-қол ақшамен, кредит, дебеттік төлем карточкаларымен немесе жеке чектермен қабылданбайды.
«Money Order» Канададағы банктердің бірімен «Embassy of Kazakhstan» атына шығарылуы керек.
күн сайын (сәрсенбі, сенбі, жексенбі және мереке күндерінен басқа) сағат 09.30-дан 12.30-ға дейін
E-mail:consul.toronto@mfa.kz.