Қазақстан мен Канада арасындағы қарым-қатынаста білім саласындағы ынтымақтастықты дамыту үлкен әлеуетке ие. Кәсіптік-техникалық біліммен қатар, жоғары білім, қолданбалы ғылымдар, ірі технологиялық орталықтарды құру тәжірибесі және т.б. бағыттары перспективті болып көрінеді.
Канадалық Оңтүстік Альберта политехникалық институтының (SAIT Polytechnic) қатысуымен Атырау қаласында «APEC-Petrotechnic» Аймақаралық мұнай-газ саласындағы мамандарды дайындау және қайта дайындау орталығын құру білім саласындағы сәтті бірлескен жоба болды.
Өзіндік мультикультурализм үлгісін дамып жатқан Канадамен ұлтаралық қарым-қатынастар мен дінаралық келісім саласы бойынша ықпалдасу аса маңызды болып табылады.
Қазақстанның Канададағы Елшілігі және Торонто қаласындағы Консулдығы қазақстандық диаспора мен Қазақстаннан бала асырап алған отбасылардың қатысуымен мәдени іс-шараларлы жиі түрде өткізеді. Спорттық алмасу орнатылды – екі елдің өкілдері кәсіби хоккей, бокс және басқа да спорт түрлерінде көрінеді.