Астанадағы Қазақстанның Көлік министрі М.Қарабаев пен Өзбекстанның Көлік министрі И.Махкамовтың кездесуі туралы

 

2024 жылғы 10 мамырда Астанада Қазақстан Республикасының Көлік министрі М.Қарабаев пен Өзбекстан Республикасының Көлік министрі И.Махкамовтың кездесуі өтті, онда тараптар теміржол және автомобиль тасымалдарын, халықаралық дәліздерді дамытуды, сондай-ақ инфрақұрылым құрылысын қоса алғанда, көлік саласындағы ынтымақтастықты талқылады.

Дарбаза-Мақтаарал темір жол желісінің құрылысына ерекше назар аударылды. Жобаны іске асыру екі ел арасындағы өткізу қабілетін 10 млн.тоннаға арттыруға мүмкіндік береді. Сондай-ақ экспорттық-импорттық автотасымалдардың 6% - ға (1,8 млн.тонна) өсуі байқалды. Азаматтық авиацияда елдер арасындағы рейстер саны екі есеге ұлғаюы мүмкін (қазіргі уақытта ҚР мен РУ арасында аптасына 37 рейс орындалады).

Әңгімелесушілер Термез-Мазари-Шариф-Кабул-Пешавар темір жолының құрылысын қолдады, бұл Орталық Азиядағы өңірлік сауданың дамуына серпін береді, өйткені Оңтүстік Азия өңірінің ірі теңіз порттарына қолжетімділік ашылады.

Келіссөздер қорытындысы бойынша Көлік және логистика саласындағы стратегиялық ынтымақтастықты дамыту бойынша 2024-2025 жылдарға арналған Жол картасына қол қойылды.