Қазақстан мен Эстонияның сот жүйесі органдары арасындағы ынтымақтастық дамып келеді
Таллинн, 2023 жылғы 10 шілде – Қазақстан Республикасы Жоғарғы Сотының делегациясы Таллинн қаласында болып, Эстония Республикасының сот органдарының өкілдерімен кездесулер өткізді.
Келіссөздер барысында тараптар сот әкімшілігін жетілдіру және сот жүйесінің тиімділігін арттыру бойынша тәжірибе алмасты. Осы орайда, тараптар кассациялық сатыдағы соттардың жұмысын қалыптастыру тәжірибесін зерделеуге және сот тәжірибесінде жаңа заманауи әдістерді қолдануға қызығушылық білдірді.
Қазақстан Республикасы Жоғарғы Сотының судьясы Сәкен Абдолланың айтуынша, әртүрлі елдердің тәжірибесін өзара зерттеудің үздіксіз үдерісі сот жүйесінің жұмыс тетіктерін жетілдіруге ықпал етеді. Эстонияның Таллинн сотының мүшесі Элина Элкинд, өз кезегінде, заманауи шешімдерді белсенді енгізуге мүмкіндік беретін сот тәжірибесіндегі заңнамалық жаңалықтарды қадағалаудың маңыздылығын атап өтті.
Сапар қорытындысы бойынша тараптар арасындағы ынтымақтастықты одан әрі жалғастыру қажеттілігі атап өтілді.