Ofe Сo. Ltd компаниясының басшысымен кездесуі өтті

Қазақстан Республикасының Корея Республикасындағы Елшісі Б. Дүйсенбаевтың жүк көтергіш жабдықтар, лифт  және ауыл шаруашылық техникаларына арналған бөлшектер мен керек-жарақтар өндірумен айналысатын Ofe Сo. Ltd компаниясының басшысымен кездесуі өтті. 

Компания Алматы облысында лифт жабдықтарын өндірумен айналысатын LGS Elevator компаниясымен серіктестік қарым-қатынас орнатқан. Лифтердің сапасы мен сенімділігін сақтау қажеттілігі, сондай-ақ технологиялар трансфері, өндірістен кейін қызмет көрсеті, қауіпсіздік пен сапаны бақылау, кадрларды дайындау, заманауи лифтер өндірісінде ғылыми-зерттеу жүргізу және дамыту мәселелерімен айналысатын мамандандырылған Қазақстан-Оңтүстік Корея орталығын ашу мүмкінділігі талқыланды.