Қазақстан азаматтарын консулдық есепке алу

Канадада (Торонто қаласында және оның маңында тұратын азаматтардан басқа, олар ҚР Торонтодағы консулдығында консулдық есепке тұруы тиіс) УАҚЫТША тұратын Қазақстан Республикасының азаматтарын ЕСЕПКЕ ҚОЮ үшін Қазақстан Республикасының Оттава қаласындағы Елшілігіне келесі құжаттарды тапсыру қажет:

1. Өтініш;
2. Сауалнама;
3. Фотосурет (3,5х4,5);
4. Паспорттың бірінші парағының көшірмесі;
5. Канадада болуға рұқсат беретін құжаттың көшірмесі (виза, жұмыс / оқуға рұқсат).

Кәмелетке толмаған балаларға да жоғарыда көрсетілген тізімге сәйкес құжаттар бөлек тапсырылады.

Ескертпе: Егер тұрып жатқан мекен-жайыңыз немесе телефон деректеріңіз өзгерген жағдайда консулдық мекемелерді ескертуді сұраймыз. 

 Канадада (Торонто қаласында және оның маңында тұратын азаматтардан басқа, олар ҚР Торонтодағы консулдығында консулдық есепке тұруы тиіс) ТҰРАҚТЫ тұратын Қазақстан Республикасының азаматтарын ЕСЕПКЕ ҚОЮ үшін Қазақстан Республикасының Оттава қаласындағы Елшілігіне келесі құжаттарды тапсыру қажет:

1. Өтініш;
2. Сауалнама;
3. Фотосурет (3,5х4,5);
4. Паспорт (тұлғаны сәйкестендіру үшін);
5. Паспорттың бірінші парағының көшірмесі;
6. Паспортыңыздағы «Канадаға тұрақты тұруға кету» мөртабаның немесе Қазақстанның көші-қон қызметі берген мекен-жайдан шығу парағының көшірмесі.

Кәмелетке толмаған балаларға да жоғарыда көрсетілген тізімге сәйкес құжаттар бөлек тапсырылады.

Құжаттарды қарастыру мерзімі – құжаттар толық тапсырылғаннан күннен бастап екі жұмыс күнін құрайды.

Ескертпе: Егер тұрып жатқан мекен-жайыңыз немесе телефон деректеріңіз өзгерген жағдайда консулдық мекемелерді ескертуді сұраймыз. 

Қазақстан Республикасынан тыс жерде тұрақты және уақытша тұратын Қазақстан Республикасы азаматтарын ЕСЕПТЕН ШЫҒАРУ

Қазақстан Республикасының азаматы шетелдегі мекемеден келесі жағдайда есептен шығарылады:

1) өзі немесе оның заңды өкілі шет елдердегі мекемелерге есептен шығару туралы еркін нысанда жасалған өтініш берсе;

2) оның Қазақстан Республикасының басқа шет елдердегі мекемелерінде есепке қойылғаны туралы хабарлама келсе;

3) есеп карточкасында/карточкада көрсетілген консулдық округ аумағындағы, уақытша орналасу немесе тұрақты тұру мерзімі аяқталса;

4) қайтыс болса, оның хабар-ошарсыз кеткені немесе қайтыс болғаны туралы сот шешімі заңды күшіне енсе;

5) Қазақстан Республикасының азаматтығы тоқтатылса.

 ЕСЕПТЕН ШЫҒУ ҮШІН азаматтар Қазақстан Республикасының Оттава қаласындағы Елшілігіне келесі құжаттарды тапсырады:

1. Еркін нысандағы өтініш және жоғарыда көзделген жағдайлардың фактісін растайтын өзге де құжат (болған жағдайда);
2. Паспорт (тұлғаны сәйкестендіру үшін);
3. Паспорттың бірінші парағының көшірмесі;
4. Тұрақты есепке қою туралы мөртабасы бар Қазақстан Республикасы азаматының паспортына қосымша беттің көшірмесі.

 Егер уақытша / тұрақты консулдық есептен шығу туралы АНЫҚТАМА қажет болса, азаматтар Қазақстан Республикасының Оттава қаласындағы Елшілігіне келесі құжаттарды тапсырады:

1. Еркін нысандағы өтініш (осы анықтаманы беру туралы);
2. Паспорттың бірінші парағының көшірмесі;
3. Консулдық алым - 50 АҚШ доллар көлемінде «Embassy of Kazakhstan in Canada» атына жазылған «Money order».

Қазақстан Республикасының шетелдегі мекемелері арқылы мемлекеттік қызметтерді көрсетудің жалпы мерзімі екі жұмыс күнін, портал арқылы өтініш берген кезде бір жұмыс күнін құрайды.

Құжаттар қолма-қол қабылданады және беріледі (құжаттар пошта арқылы берілмейді). Кездесуге жазылу үшін сілтеме бойынша өтіңіз:ҚАБЫЛДАУ

Құжаттар тізіміне қатысты сұрақтарыңыз болса, сұрақтарыңызды consul.ottawa@mfa.kz электрондық поштасына жіберіңіз. Сондай-ақ консулдық бөлімнің жұмыс кестесін ескере отырып, +1 6136958623 телефонына хабарласуға болады. 

Қазақстан Республикасынан тыс жерде тұрақты және уақытша тұратын Қазақстан Республикасы азаматтарының есебін жүргізу қағидаларын бекіту туралы