Меню
ҚР ҚМ Мемлекеттік кірістер комитетінің деректері бойынша 2024 ж. Қазақстан мен Испания арасындағы тауар айналым $2,07 млрд. (экспорт – $1,354 млрд., импорт – $652,1 млн.) құрады. Бұл 2023 жылдың ұқсас көрсеткіші.
ҚР Ұлттық Банкінің деректері бойынша 2005-2024 жж. аралығында Испаниядан Қазақстанға тікелей инвестиция шамамен $333 млн., 2024 ж. 9 айда – $24 млн. (2023 г. $30,2 млн., 2022 г. – $20,7 млн., 2021 г. – $14,8) тартылды. 2024 ж. 9 айда Испанияға тікелей инвестициялардың жалпы ағымы $4 млн. құрады (2005 ж. бастап 2023 ж. дейін – 78,1 млн.).
2024 жылдың төртінші тоқсанындағы жағдай бойынша Қазақстанда испан капиталының қатысуымен 99 заңды тұлға тіркелген, оның 45-і қазіргі уақытта жұмыс істеп тұр.
Сауда-экономикалық ынтымақтастықтың негізгі тетіктері Экономика және өнеркәсіп саласындағы ынтымақтастық жөніндегі Қазақстан-Испания үкіметаралық комиссиясы (ҮК) және «Қазақстан-Испания» Іскерлік кеңесі (ІК) болып табылады.
Анықтама: 2025 ж. 18 наурызда Астанада ҮК-нің 11-ші және ІК-тің 8-ші отырыстары өтті. Келесі отырысытар 2027 ж. Астанада жоспарланған.
ҮК тең төрағалары ҚР Сауда және интеграция Вице-министрі (тағайындалу күтілуде) пен Испанияның сауда жөніндегі Мемлекеттік хатшысы А.Лопес болып табылады.
ІК тең төрағалары – «Бәйтерек «ҰБХ» АҚ Басқарма төрағасы Р.Карагойшин мен «Maxam» компаниясының президенті Х.М. Варгас.
Қазақстандық нарықта «Airbus Defense&Space», «Maxam», «Talgo», «Técnicas Reunidas», «Glovo», «Roca», «Grupo Anka», «Inditex», «Pronovias», «Cortefiel», «Desigual», «Mango», «Joma» және т.б. сияқты танымал испандық компаниялар бар.