Қазақстан Республикасына кіруге визаларды беру
Көру саны:45
Визаларды беру үшін келесі құжаттар мен мәліметтер ұсынылады:
- қазақ, орыс немесе ағылшын тілінде қолмен анық етіп немесе электрондық форматта толтырылады;
- сұрақтарға берілген жауаптар толық болуы тиіс;
- виза алушының өзі қол қояды;
- кәмелетке толмаған балалардың атынан виза беру үшін құжаттарды олардың заңды өкілдері тапсырады.
Көлемі 3,5х4,5 сантиметр түрлі-түсті немесе қара-ақ фотосуреті:
- визалық сауалнамаға жапсырылатын фотосурет құжат ресімделген кездегі азаматтың жасына сәйкес болуы, беті толық алдынан анық көрінуі, күңгірт шынылы көзілдіріксіз және бас киімсіз түсірілуі тиіс. Ұлттық немесе діни тиесілігіне байланысты бас киімді үнемі кию міндетті болып табылатын адамдар бұған кірмейді, бұл ретте мұндай адам паспортындағы фотосуретте де осы бас киіммен бейнеленуі шарт.
ҚР ІІМ-де тіркелген шақыру немесе қолдаухат:
- этникалық қазақтар, бұрынғы отандастар және «А3», «В1», «В3», «В10», «В12» және «В12-1» санаттарындағы визаларды ресімдеу кезінде шақыру ұсыну қажеттілігінен босатылған мемлекеттер тізіміне енгізілген елдердің азаматтары.
Шет мемлекеттің жарамды паспорты:
- паспорт оның түпнұсқалығына және иесіне тиесілігіне күмән келтірмеуі, онда белгілер, ескертпелер, жазбалар, өшірулер мен түзетулер, жыртылған немесе тігілген беттер болмауы тиіс;
- визаларға арналған кемінде 2 бос беті болуы тиіс;
- оның қолданылу мерзімі сұратылатын визаның қолданылу мерзімі аяқталған күннен бастап кемінде 3 айдан кейін аяқталуы тиіс;
- қолданылу мерзімінің ұзартылғаны туралы белгілер болмауы тиіс.
Консулдық алым немесе мемлекеттік бажды төлегенін растайтын төлем құжатының түпнұсқасы:
- төленген консулдық алымдардың сомалары қайтарылуға жатпайды.
ҚР КОНСУЛДЫҚ МЕКЕМЕЛЕРІМЕН БЕРІЛЕТІН ВИЗАЛАРДЫҢ САНАТТАРЫ
Виза алушылар:
- шет мемлекеттердің, үкіметтердің, халықаралық ұйымдардың басшылары, дипломатиялық мәртебеге теңестірілген адамдар және олардың отбасы мүшелері;
- дипломатиялық паспорт иелері болып табылатын шет мемлекеттер парламенттері мен үкіметтерінің, халықаралық ұйымдардың дипломатиялық мәртебеге теңестірілген мүшелері және олардың отбасы мүшелері, сондай-ақ дипломатиялық паспорт иелері болып табылатын ресми шетелдік делегациялардың мүшелері мен оларды алып жүретін адамдар;
- Қазақстан Республикасының құрметті консулдары және олардың отбасы мүшелері;
- дипломатиялық паспорттардың, сондай-ақ дипломатиялық агенттерге теңестірілген мәртебесі бар халықаралық ұйымдар паспорттарының иелері, Қазақстан Республикасына қызметтік істер бойынша жол жүретіндер;
- дипломатиялық поштаны алып жүретін дипломатиялық паспорт иелері болып табылатын дипломатиялық курьерлер, курьерлік парақ болған жағдайда.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- вербалдық нота.
Виза алушылар:
- шет мемлекеттердің дипломатиялық және оларға теңестірілген өкілдіктерінің дипломатиялық агенттері;
- Қазақстан Республикасында аккредиттелген шет мемлекеттердің консулдық мекемелерінің лауазымды консулдық тұлғалары, халықаралық ұйымдар мен олардың өкілдіктерінің қызметкерлері, Қазақстан Республикасына жұмыс істеу үшін жол жүретіндер;
- Қазақстан Республикасында аккредиттелген шет мемлекеттердің құрметті консулдары және олардың отбасы мүшелері.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 180 тәулікке дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- вербалдық нота (шақырылатын тұлға тағайындалған лауазымы, ал ротация болған жағдайда оның орнына тағайындалатын қызметкердің лауазымы, тегі мен аты көрсетілуі тиіс).
Виза алушылар:
- ресми шетелдік делегациялардың мүшелері, оларды алып жүретін адамдар және олардың отбасы мүшелері;
- Қазақстан Республикасында аккредиттелген және Қазақстан Республикасына жол жүретін шетелдік бұқаралық ақпарат құралдарының өкілдері (ҚР СІМ-мен келісу бойынша);
- қызметтік істер бойынша Қазақстан Республикасына жол жүретін шет мемлекеттердің әскери қызметшілері;
- «А2» және «А4» санаттарындағы визаларға үміткер адамдардың асырауындағы тұлғалар;
- дипломатиялық агенттерге теңестірілген мәртебесі жоқ халықаралық ұйымдар паспорттарының иелері, сондай-ақ халықаралық ұйымдарда жұмыс істейтін ұлттық паспорт иелері және олардың отбасы мүшелері;
- қызметтік істер бойынша Қазақстан Республикасына жол жүретін қызметтік паспорттардың иелері;
- дипломатиялық паспорты жоқ, дипломатиялық поштаны алып жүретін дипломатиялық курьерлер, курьерлік парақ болған жағдайда;
- шетелдік дипломатиялық өкілдіктердің, консулдық мекемелердің, халықаралық ұйымдар мен олардың өкілдіктерінің, Қазақстан Республикасының мемлекеттік органдарының шақыруы бойынша Қазақстан Республикасына іссапарға жол жүретін адамдар;
- ғарыш кеңістігіне ұшу және ғарыш кеңістігінен Жерге оралу мақсатында Қазақстан Республикасына жол жүретін ғарышкерлер мен астронавтар.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік (ғарышкерлер мен астронавтар үшін 3 жылға дейін), виза қолданылуының барлық кезеңіне.
Виза алуға қажетті қосымша құжаттар:
- вербалдық нота.
Виза алушылар:
- дипломатиялық өкілдіктердің әкімшілік-техникалық және қызмет көрсетуші персоналының мүшелері;
- халықаралық ұйымдардың немесе олардың өкілдіктерінің қызметкерлері;
- Қазақстан Республикасында аккредиттелген шет мемлекеттердің консулдық мекемелерінің консулдық қызметшілері, қызмет көрсетуші персоналының жұмыскерлері және олардың отбасы мүшелері.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 180 тәулікке дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- вербалдық нота (шақырылатын тұлға тағайындалған лауазымы, ал ротация болған жағдайда оның орнына тағайындалатын қызметкердің лауазымы, тегі мен аты көрсетілуі тиіс).
Виза алушылар:
- Республика аумағында инвестициялық қызметті жүзеге асыратын басшылар және/немесе олардың орынбасарлары;
- Қазақстан Республикасының аумағында инвестициялық қызметті жүзеге асыратын заңды тұлғалардың құрылымдық бөлімшелерінің басшылары;
- АХҚО-ның инвестициялық салық резиденттігі бағдарламасына сәйкес инвестицияларды жүзеге асыратын шетелдіктер мен азаматтығы жоқ адамдар;
- олардың отбасы мүшелері.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 5 жылға дейінгі көп мәртелік, виза қолданылуының барлық кезеңіне.
Виза алушылар:
- Қазақстан Республикасының экономикасына 300 мың АҚШ долларынан астам инвестиция салған шетелдік кәсіпкерлер.
Визаның мәртелігі мен қолдану мерзімі:
- 10 жылға дейінгі көп мәртелік, виза қолданылуының барлық кезеңіне.
Виза алушылар:
- конференцияларға, симпозиумдарға, форумдарға, көрмелерге, концерттерге, мәдени, ғылыми және басқа да іс-шараларға қатысушылар;
- кеңестерге, дөңгелек үстелдер ұйымдастыруға, көрмелерге, сарапшылар жиналыстарына қатысушылар;
- гуманитарлық көмекті алып жүретін адамдар;
- оқу орындарында дәрістер оқу және сабақ өткізу мақсатында келетін адамдар;
- Қазақстан Республикасының білім беру ұйымдарында оқуды қоспағанда, жастар, студенттер және мектеп оқушылары алмасу бағдарламаларына қатысушылар;
- спорттық іс-шараларға қатысушылар.
Визаның мәртелігі мен қолдану мерзімі:
- 90 тәулікке дейінгі бір мәртелік, елде 60 тәулікге дейін болу құқығымен;
- 1 жылға дейінгі көп мәртелік, әрбір кіру кезінде 60 тәулікнен аспайтын мерзімге болу құқығымен.
Виза алушылар:
- жабдықты монтаждау, жөндеу және техникалық қызмет көрсету мақсатында келетін адамдар;
- консультациялық немесе аудиторлық қызметтер көрсету мақсатында келетін адамдар.
Визаның мәртелігі мен қолдану мерзімі:
- 90 тәулікке дейінгі бір мәртелік, 30 тәулікге дейін болу құқығымен;
- 180 тәулікге дейінгі көп мәртелік, 90 тәулікге дейін болу құқығымен.
Виза алушылар:
- келіссөздер жүргізу, шарттар жасасу үшін келетін адамдар;
- индустрияландыру және инвестициялар саласындағы ынтымақтастық шеңберінде келіссөздер жүргізу, шарттар жасасу үшін келетін адамдар;
- құрылтайшылар немесе директорлар кеңесінің мүшелері.
Визаның мәртелігі мен қолдану мерзімі:
- 90 тәулікке дейінгі бір мәртелік, 30 тәулікге дейін болу құқығымен;
- 1 жылға дейінгі көп мәртелік, әрбір кіру кезінде 30 тәулікнен аспайтын мерзімге болу құқығымен.
Виза алушылар:
- халықаралық автомобиль тасымалдарын жүзеге асыратын адамдар.
Визаның мәртелігі мен қолдану мерзімі:
- 90 тәулікке дейінгі бір мәртелік, 30 тәулікге дейін болу құқығымен;
- 1 жылға дейінгі көп мәртелік, әрбір кіру кезінде 30 тәулікнен аспайтын мерзімге болу құқығымен.
Виза алуға қажетті қосымша құжаттар:
- автокөлік құралының Қазақстан Республикасының аумағы арқылы жүруіне арналған рұқсат құжаттары;
- халықаралық тасымалдарды жүзеге асыруға арналған рұқсаттың көшірмесі;
- жүргізуші куәлігінің көшірмесі;
- көлік құралына арналған құжаттар.
* Виза алушы Қазақстан Республикасының аумағына визаның алынған санатына сәйкес келетін көлікпен ғана кіреді және одан шығады.
Виза алушылар:
- тұрақты және чартерлік авиарейстер ұшақтары экипаждарының мүшелері болып табылатын, Халықаралық азаматтық авиация ұйымының (ИКАО) тиісті куәлігі жоқ адамдар, пойыз бригадаларының мүшелері, сондай-ақ теңіз және өзен кемелерінің экипаждары.
Визаның мәртелігі мен қолдану мерзімі:
- 90 тәулікке дейінгі бір мәртелік, 30 тәулікнен аспайтын мерзімге болу құқығымен;
- 1 жылға дейінгі көп мәртелік, әрбір кіру кезінде 30 тәулікнен аспайтын мерзімге болу құқығымен.
Виза алуға қажетті қосымша құжаттар:
- автокөлік құралының Қазақстан Республикасының аумағы арқылы жүруіне арналған рұқсат құжаттары.
* Пойыз бригадаларының мүшелері Қазақстан Республикасының аумағына визаның алынған санатына сәйкес келетін көлікпен ғана кіреді.
Виза алушылар:
- діни бірлестіктің іс-шараларына қатысу үшін Қазақстан Республикасына жол жүретін адамдар (миссионерлік қызметті қоспағанда).
Визаның мәртелігі мен қолдану мерзімі:
- 90 тәулікке дейінгі бір мәртелік, 30 тәулікнен аспайтын мерзімге болу құқығымен.
Виза алушылар:
- оқу практикасы немесе тағылымдамадан өту, оның ішінде «Астана Хаб» бағдарламалары бойынша оқудан өту үшін Қазақстан Республикасына жол жүретін адамдар, сондай-ақ олардың отбасы мүшелері.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 180 тәулікге дейінгі көп мәртелік, виза қолданылуының барлық кезеңіне.
Виза алушылар:
- Қазақстан Республикасында тұрақты тұруға рұқсат алу үшін Қазақстан Республикасына жол жүретін адамдар.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 180 тәулікге дейінгі көп мәртелік, виза қолданылуының барлық кезеңіне.
Виза алушылар:
- сұранысқа ие кәсіптері бар адамдар.
Визаның мәртелігі мен қолдану мерзімі:
- 90 күнтізбелік күнге дейінгі бір мәртелік, виза қолданылуының барлық кезеңіне;
- көп мәртелік (бір жыл ішінде 1 рет беріледі) 90 күнтізбелік күнге дейін, виза қолданылуының барлық кезеңіне.
Виза алуға қажетті қосымша құжаттар:
- Қазақстан Республикасында тұрақты тұруға рұқсат алу үшін сұранысқа ие кәсіптер тізбесіне сәйкес келетін білім туралы дипломның көшірмесі.
Виза алушылар:
- Қазақстан Республикасында тұрақты тұруға рұқсат алу үшін Қазақстан Республикасына жол жүретін IT-мамандар.
Визаның мәртелігі мен қолдану мерзімі:
- 1 жылға дейінгі бір мәртелік электрондық виза, виза қолданылуының барлық кезеңіне;
- 1 жылға дейінгі көп мәртелік қағаз түріндегі виза (бір мәртелік электрондық В9-1 визасы болған кезде ҚР ІІМ береді), виза қолданылуының барлық кезеңіне.
Виза алуға қажетті қосымша құжаттар:
- ҚР цифрландыру мәселелері жөніндегі уәкілетті органының немесе Astana Hub-тың қолдаухаты.
Виза алушылар:
- жеке істері бойынша жол жүретін адамдар;
- жақын туыстарының/жақын адамдарының жерлеу рәсіміне немесе сырқатына байланысты растайтын құжаттары болған кезде жол жүретін адамдар;
- ерлі-зайыптылар, балалар (оның ішінде асырап алынған балалар) немесе ата-аналар (қорғаншылар, қамқоршылар) (туыстық қатынасты растайтын құжаттар болған кезде) Қазақстан Республикасының азаматтарымен бірге кіретін адамдар;
- ерлі-зайыптылар, балалар (этникалық қазақтар болып табылмайтынэтникалық қазақтармен бірге кіретін.
Визаның мәртелігі мен қолдану мерзімі:
- 90 тәулікке дейінгі бір мәртелік, виза қолданылуының барлық кезеңіне;
- 180 тәулікге дейінгі көп мәртелік, әрбір кіру кезінде 90 тәулікнен аспайтын мерзімге;
- бұрынғы отандастар үшін 3 жылға дейінгі көп мәртелік, әрбір кіру кезінде 90 тәулікнен аспайтын мерзімге.
* Бұрынғы отандас – Қазақ Кеңестік Социалистік Республикасында немесе Қазақстан Республикасында туған не бұрын олардың азаматтығында болған және шетелде тұрақты тұратын адам.
Виза алушылар:
- Қазақстан Республикасының азаматтарын асырап алу үшін Қазақстан Республикасына жол жүретін адамдар.
Визаның мәртелігі мен қолдану мерзімі:
- 180 тәулікге дейінгі бір мәртелік, 120 тәулікнен аспайтын мерзімге болу құқығымен;
- 1 жылға дейінгі көп мәртелік, әрбір кіру кезінде 120 тәулікнен аспайтын мерзімге болу құқығымен.
Виза алушылар:
- Қазақстан Республикасына турист ретінде жол жүретін адамдар.
Визаның мәртелігі мен қолдану мерзімі:
- 90 тәулікге дейінгі бір мәртелік, 30 тәулікнен аспайтын мерзімге болу құқығымен;
- 90 тәулікге дейінгі көп мәртелік, әрбір кіру кезінде 30 тәулікнен аспайтын мерзімге болу құқығымен.
Виза алушылар:
- қашықтан жұмыс істейтін және шетелдік көздерден тұрақты кірісі бар адамдар.
Визаның мәртелігі мен қолдану мерзімі:
- 1 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- 3000 АҚШ долларынан асатын тұрақты ай сайынғы кірісті растайтын соңғы 6 айдағы банк үзіндісі;
- азаматтығы бар елдің құзыретті органы берген салық декларациясы;
- азаматтығы бар немесе тұрақты тұратын елдің уәкілетті органы берген соттылығының жоқтығын растайтын құжат;
- сұратылатын визаның қолданылу мерзімін қамтитын медициналық сақтандыру.
Виза алушылар:
- Қазақстан Республикасының аумағы арқылы транзитпен жүру үшін Қазақстан Республикасына жол жүретін адамдар.
Визаның мәртелігі мен қолдану мерзімі:
- 90 тәулікге дейінгі бір мәртелік, бір бағытта 5 тәулікнен аспайтын мерзімге болу құқығымен;
- 180 тәулікге дейінгі көп мәртелік, бір бағытта 5 тәулікнен аспайтын мерзімге болу құқығымен.
Виза алуға қажетті қосымша құжаттар:
- жол жүру құжаттары;
- ресімделген виза;
- жүргізуші куәлігі және жеке көлік құралымен жүретін көлік құралын басқару құқығын растайтын құжаттар.
Виза алушылар:
- Қазақстан Республикасының аумағында тұрақты тұру мақсатында Қазақстан Республикасына жол жүретін немесе оның аумағында болатын этникалық қазақтар.
Визаның мәртелігі мен қолдану мерзімі:
- 1 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- жеке басын куәландыратын құжаттарда ұлты туралы жазба болмаған жағдайда өтініш берушінің ұлтын растайтын құжаттар;
- қандастардың көші-қон квотасына басым тәртіппен енгізу құқығын растайтын құжаттар (бар болса);
- өтініш берушіде және оның отбасы мүшелерінде Қазақстан Республикасы Денсаулық сақтау министрінің 2011 жылғы 30 қыркүйектегі № 664 бұйрығында көрсетілген аурулардың жоқтығы туралы анықтама;
- азаматтығы бар немесе тұрақты тұратын елдің уәкілетті органы берген соттылығының бар-жоғын растайтын құжат.
Виза алушылар:
- Қазақстан Республикасында тұрақты тұратын Қазақстан Республикасы азаматтарының, этникалық қазақтар мен бұрынғы отандастардың және Қазақстан Республикасында уақытша тұруға рұқсат алған (кемінде екі жыл мерзімге) адамдардың, Қазақстан Республикасында тұрақты тұратын шетелдіктер мен азаматтығы жоқ адамдардың, сондай-ақ бизнес-иммигранттардың отбасы мүшелері болып табылатын адамдар.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік, виза қолданылуының барлық кезеңіне немесе шақырушы тұлғаны тіркеу мерзіміне (ҚР азаматтарын қоспағанда).
Виза алуға қажетті қосымша құжаттар:
- шақырушы тұлғаның еркін нысандағы қолдаухаты;
- Қазақстан Республикасы азаматтарын қоспағанда, шақырушы тұлғаның уақытша тұруға рұқсатының нотариат куәландырған көшірмесі;
- шақырушы тұлғаның және отбасы мүшелерінің жеке басын куәландыратын құжаттың нотариат куәландырған көшірмесі;
- шақырушы тұлғаның әрбір отбасы мүшесін ай сайын күтіп-ұстауға арналған, Қазақстан Республикасының республикалық бюджет туралы заңында белгіленген ең төмен жалақы мөлшерінен кем емес қаражаты бар екенін растайтын құжат;
- шақырушы тұлғаның Қазақстан Республикасының аумағында тұрғын үйі бар екенін растайтын құжаттың нотариат куәландырған көшірмесі, оның ауданы 1997 жылғы 16 сәуірдегі «Тұрғын үй қатынастары туралы» Заңына сәйкес, отбасының әрбір мүшесіне белгіленген ең төменгі нормативтерге сай болуы тиіс;
- шақырушы тұлғаның отбасы мүшелеріне арналған медициналық сақтандыру;
- Қазақстан Республикасының немесе шет мемлекеттің уәкілетті мемлекеттік органдары берген, шақырушы тұлғамен отбасылық қатынастарды (Қазақстан Республикасының заңнамасымен танылатын некеде кемінде бір жыл тұрғанын) растайтын құжаттың нотариат куәландырған көшірмесі;
- шақырушы тұлғаның кәмелетке толған отбасы мүшелеріне қатысты азаматтығы бар немесе тұрақты тұратын елдің уәкілетті органы берген соттылығының бар-жоғын растайтын құжат.
Виза алушылар:
- Қазақстан Республикасына жол жүретін адамдар;
- еңбек қызметін жүзеге асыру мақсатында Қазақстан Республикасында жүрген адамдар;
- отбасы мүшелері.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 3 жылға дейінгі көп мәртелік (АХҚО қатысушылары мен органдары, «Астана Хаб» қатысушыларының қызметкерлері немесе «Астана Хаб» қызметкерлері үшін 5 жылдан аспайды), виза қолданылуының барлық кезеңіне.
Виза алушылар:
- экономиканың басым салаларында сұранысқа ие кәсіптер бойынша өз бетінше жұмысқа орналасу үшін Қазақстан Республикасына жол жүретін немесе Қазақстан Республикасында жүрген адамдар.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 3 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- өз бетінше жұмысқа орналасу үшін біліктілігінің сәйкестігі туралы анықтама.
Виза алушылар:
- бизнес-иммигранттар.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 2 жылға дейінгі көп мәртелік (этникалық қазақтар үшін 3 жылға дейін), виза қолданылуының барлық кезеңіне.
Виза алуға қажетті қосымша құжаттар:
- медициналық сақтандыру;
- азаматтығы бар немесе тұрақты тұратын елдің уәкілетті органы берген соттылығының бар-жоғын растайтын құжат.
Виза алушылар:
- маусымдық шетелдік жұмыскерлер.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- жұмыс берушіге шетелдік жұмыс күшін тартуға берілген рұқсат.
Виза алушылар:
- миссионерлік қызметті жүзеге асыру үшін Қазақстан Республикасына жол жүретін адамдар;
- олардың отбасы мүшелері.
Визаның мәртелігі мен қолдану мерзімі:
- 90 тәулікге дейінгі бір мәртелік, 30 тәулікнен аспайтын мерзімге болу құқығымен;
- 180 тәулікге дейінгі көп мәртелік, виза қолданылуының барлық кезеңіне.
Виза алушылар:
- білім беру, денсаулық сақтау және әлеуметтік көмек салаларында өтеусіз қызметтер көрсету үшін Қазақстан Республикасына келетін волонтерлер;
- Қазақстан Республикасы ратификациялаған халықаралық шарттар шеңберінде қайырымдылық, гуманитарлық көмек көрсету және гранттар беру мақсатында Қазақстан Республикасына келетін адамдар.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік, виза қолданылуының барлық кезеңіне.
Виза алушылар:
- орта, техникалық және кәсіптік, орта білімнен кейінгі, жоғары және жоғары оқу орнынан кейінгі білімнің білім беру оқу бағдарламаларын іске асыратын білім беру ұйымдарына оқуға түсу және оқу, оның ішінде білім алушылар алмасуының ұйымдастырылған бағдарламалары мен дайындық курстарынан өту мақсатында Қазақстан Республикасына жол жүретін адамдар, сондай-ақ олардың отбасы мүшелері;
- Қазақстан Республикасына уақытша келген және визасыз режим тәртібімен келген Қазақстан Республикасының оқу орындарына түскен этникалық қазақтар;
- отбасы мүшелері.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 1 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- заңды өкілдерінің қазақ немесе орыс тіліне аударылған нотариат куәландырған жазбаша келісімі болуы тиіс. Бұл талап кәмелетке толмаған виза алушыларға қатысты.
Виза алушылар:
- этникалық қазақтар.
Визаның мәртелігі мен қолдану мерзімі:
- 90 тәулікге дейінгі бір мәртелік, виза қолданылуының барлық кезеңіне;
- 3 жылға дейінгі көп мәртелік, виза қолданылуының барлық кезеңіне.
Виза алуға қажетті қосымша құжаттар:
- ұлттық тиесілігін растайтын құжаттар.
Виза алушылар:
- емделу, медициналық тексеруден өту немесе консультация алу үшін Қазақстан Республикасына жол жүретін адамдар, сондай-ақ оларды алып жүретін адамдар;
- емделу қажеттілігі туындаған кезде Қазақстан Республикасында жүрген адамдар, сондай-ақ оларды алып жүретін адамдар;
- Қазақстан Республикасының азаматтары болып табылатын немесе Қазақстан Республикасының аумағында тұрақты тұратын және медициналық мекемелерде емделіп жатқан шетелдік жақын туыстарына күтім жасау мақсатында Қазақстан Республикасына жол жүретін адамдар.
- Қазақстан Республикасының азаматтары болып табылатын немесе Қазақстан Республикасының аумағында тұрақты тұратын және медициналық мекемелерде емделіп жатқан шетелдік жақын туыстарына күтім жасау қажеттілігі туындаған кезде Қазақстан Республикасында жүрген адамдар.
Визаның мәртелігі мен қолдану мерзімі:
- 180 тәулікге дейінгі бір мәртелік, визаның қолданылу мерзімі 90 тәулікнен аспайды;
- 180 тәулікге дейінгі көп мәртелік, визаның қолданылу мерзімі 90 тәулікнен аспайды.
Бір мәртелік электрондық визалар
- A3 Қызметтік виза
- A5 Инвесторлық виза
- B1 Іскерлік сапарға арналған виза
- B2 Іскерлік сапарға арналған виза
- B3 Іскерлік сапарға арналған виза
- B10 Жеке сапарға арналған виза
- B12 Туристік мақсатпен келетін виза
- C12 Емделуге арналған виза
- B9-1 Digital Nomad Visa Қазақстан Республикасында тұрақты тұруға арналған виза
тізімге сәйкес елдердің азаматтарына ресімделеді.
Құжаттар топтамасы көрсетілетін қызметті берушіге тапсырылған сәттен бастап – 5 жұмыс күніне дейін
|
Виза |
Бір мәртелік |
Көп мәртелік |
|
Стандартты |
80 АҚШ доллары |
200 АҚШ доллары |
|
Туристік |
60 АҚШ доллары |
90 АҚШ доллары |
|
Транзиттік |
20 АҚШ доллары |
90 АҚШ доллары |
Бөлім әзірлену үстінде.
күн сайын (сәрсенбі, жұма және сенбі күндерін, сондай-ақ мереке күндерін қоспағанда) сағат 10.00-ден 12.00-ге дейін және 15.00-ден 17.00-ге дейін.
27 тамыз 2026
08 қараша 2026