Меню
2025 ж. 31 қазанда «Халифа» университетінің ректоры Ибрахим Хаджридің екінші халықаралық стратегиялық серіктестер форумына қатысу мақсатында Астана қаласына жұмыс сапары өтті.
2025 ж. 24 қыркүйекте Қазақстан Республикасы Ғылым және жоғары білім министрі Саясат Нұрбектің «AI Futures Summit – Empowering Higher Education» халықаралық саммитіне қатысу мақсатында Абу Даби қаласына жұмыс сапары өтті. Саммит аясында министр Халықаралық университеттер қауымдастығының Бас хатшысы, профессор Амр Эззат Саламамен, Сорбонна университеті-Абу Даби профессоры Натали Марсьяль-Бразбенмен, сондай-ақ іс-шараны ұйымдастырушы «Knowledge E» компаниясының бас директоры Камран Карданмен екіжақты кездесулер өткізді. Келіссөздер барысында жоғары білім мен ғылым саласындағы ынтымақтастықты кеңейту мәселелері талқыланды.
2025 ж. 16-17 қыркүйекте Біріккен Араб Әмірліктерінің делегациясы Әлемдік және дәстүрлі діндер лидерлерінің съезіне қатысу мақсатында Астана қаласына жұмыс сапарымен келді. Әмірліктер делегациясының құрамына Ислам істері, қайырымдылық және зекет жөніндегі бас басқарманың төрағасы доктор Омар Хабтур әл-Дарей, Толеранттылық және қатар өмір сүру министрлігінің бас директоры Афра әл-Сабри, сондай-ақ Мұсылман ақсақалдар кеңесінің Бас хатшысы Мұхаммед Әбделсалам кірді.
2025 ж. 27-29 сәуірде Қазақстан Республикасы Мәдениет және ақпарат министрі Аида Балаева Абу Даби мәдениет саммитіне (Abu Dhabi Culture Summit) қатысу мақсатында жұмыс сапарымен барды.
2025 ж. 26 ақпанда Қазақстан футбол федерациясының президенті Марат Омаровтың Біріккен Араб Әмірліктеріне ресми сапары өтті.
