Жармыш ауылы көшелеріне атау беру бойынша

Ауыл әкімі аппаратының фейсбук парақшасында және жергілікті баспасөз "Жаңа өмір" газетінде Жармыш ауылының көшелеріне атау беру туралы жергілікті қоғамдастық мүшелерінің (ауыл тұрғындарының) жиналысы өтетіні туралы хабарланған болатын. Үстіміздегі жылдың 10 шілдесі күні жергілікті қоғамдастық жиналысы өтті.

 Күн тәртібі

1. Ұлы Отан соғысындағы Жеңістің 80 жылдығына орай Жармыш ауылының көшелеріне соғыс ардагерлері Рзаханов Бихастың, Еділханов Бекқожаның, Құрақов Балтабайдың Итемгенов Бақтығұлдың, Бөлекбаев Нармұханбеттің атағын беру;
2. 2. Қазіргі таңда «Мекенжай тіркелімі » ақпараттық жүесінде тұрған, бейресми түрде Сүгір көшесі аталып жүрген жоғарғы көшеге танымал тарихи тұлға, қазақ мәдениетінің дамуына үлес қосқан ақын, жыршы-термеші, сазгер Сүгір Бегендікұлының атағын беру .    

Тыңдалды.

Жармыш ауылының әкімі З.С.Әнуаров соғыс ардагерлері Рзаханов Бихастың, Еділханов Бекқожаның, Құрақов Балтабай Жолдасбайұлының, Итемгенов Бақтығұлдың, Бөлекбаев Нармұханбеттің өмірі, соғысқа қатысуы, көрсеткен ерліктері мен наградалары, соғыстан кейінгі еңбектері мен қызметтері туралы және Сүгір Бегендікұлы өмірі мен шығармашылығы туралы да барлық мәлімет, ақпараттарды айтып өтті.

Жиналысқа қатысушылар қаралған мәселелер бойынша қаулы қабылдады.

Қаулы

1. «Батыс» шағын ауданының 4 (төрт) көшесіне соғыс ардагерлері Рзаханов Биқастың, Құрақов Балтабайдың, Итемгенов Бақтығұлдың, Бөлекбаев Нармұханбеттің есімдері берілсін. 2. Сары тау етегіндегі жоғарғы көше Сүгір Бегендікұлының атына рәсімделсін. 3. Жармыш мектебінің қалыптасуына, білім саласын дамытуға ерен еңбек еткен соғыс ардагері Еділханов Бекқожаның есімін өзі ұзақ жыл қызмет жасаған Жармыш орта мектебіне беру ұсынылсын. 4. Осы хаттаманы тиісті органдарға жолдау «Жармыш ауылы әкімінің аппараты» мемлекеттік мекемесіне тапсырылсын.