«МАЭК – Құрық» жолы реконструкциясының 3 кезеңі

Ақтауда 2019 жылдан бері «МАЭК» су жинағышынан «Құрық» паромды кешеніне дейінгі автомобиль жолын қайта жаңарту жұмыстары жүргізіліп жатыр. Бүгінгі таңда жобаның 5 кезеңінің үшеуі аяқталуға жақын.

Маңғыстау облысындағы жол инфрақұрылымын және туризмді дамыту 

Туристік әлеуетті арттыру және тиісінше жалпы облыстың экономикалық дамуын арттыру жолымен мультипликативтік әсер.

Жобаның алғашқы кезеңінде жолдың 15,6 шақырымында асфальт төсемінің негізгі және төменгі қабаттары төселді. Жалпы ұзындығы 27 шақырымды құрайтын жол учаскесі 4 жолақты болмақ. Сондай-ақ, аталмыш нысанда жаяу жүргіншілер өтпелі мен веложолдар салынып, жарықтандыру бағандары орнатылуда. Учаскедегі жұмыстарға техниканың 80 бірлігі мен 200-ге тарта жұмысшы жұмылдырылған. Қайта жаңарту жұмыстары мен құрылыс материалдарының сапасын «Жол активтері сапасының ұлттық орталығы» сараптамадан өткізуде. Мердігер – «Ақжол Құрылыс». Бұдан бөлек, компания су төгетін «Шора» арнасы арқылы өтетін ұзындығы 70 метрден асатын көпірді салып жатыр. 

Сонымен қатар, жолшылар жобаның 4-ші кезеңі асяындағы жұмыстарды белсенді түрде жүргізуде. Ұзындығы 4,6 шақырымды құрайтын Өмірзақ елді мекенінен Ақтау қаласындағы жағажайға дейінгі 4 жолақты автомобиль жолын «Алтынқұрық» ЖШС салуда. Бүгінгі таңда нысанның 4,2 шақырымында жолдың негізгі төменгі қабаттарын төсеу жұмыстары толықтай аяқталған. Жол учаскесінде техниканың 50 бірлігі мен 100-ге жуық адам жұмыс істеуде.

«МАЭК – ҚазатомӨнеркәсіп» ЖШС су жинағышынан «Құрық» теңіз портына дейінгі автомобиль жолын қайта жаңарту жобасының 3-ші кезеңі аясындағы нысандар биыл пайдалануға беріледі.

Жол өңірдегі курорттық аймақтың ірі нысандары орналасқан Каспий көлінің жағасының бойымен өтеді. Қайта жаңарту жұмыстарынан өткен жол өңірдің туристік әлеуетінің артуына, оның экономикалық тұрғыда дамуына серпін бермек.