2022 жылғы 9 желтоқсандағы Ақпаратқа қол жеткізу мәселелері жөніндегі Комиссия отырысының хаттамасы

Ақпаратқа қол жеткізу мәселелері жөніндегі Комиссия отырысының

ХАТТАМАСЫ

 

 

 

Астана қ.                                    № 4                                          2022 жылғы 9 желтоқсан

 

 

 

Төрағалық етті:

Қазақстан Республикасы

Ақпарат және қоғамдық даму вице-министрі Д.Р. Қадыров

 

Қатысқандар: (тізім бойынша)

 

 

  1. Қостанай, Шығыс Қазақстан облыстары және Шымкент қаласы әкімдіктері қызметінің ашықтығын қамтамасыз ету бойынша атқарылған жұмыстар туралы есеп (28 қыркүйекте өткен Комиссия отырысында берілген ұсынымдарды іске асыру шеңберінде).

(Қадыров, Сандыбаев, Асылханов, Асылбекова)

 

  1. Қостанай облысы әкімі аппаратының басшысы М.М. Сандыбаевтың, Шығыс Қазақстан облысы әкімі аппараты басшысының м.а. М.Т. Асылхановтың және Шымкент қаласы әкімі аппараты басшысының орынбасары Г.Н. Асылбекованың әкімдіктер қызметінің ашықтығын қамтамасыз ету бойынша атқарылған жұмыстар туралы ақпараты назарға алынсын.
  2. Қостанай, Шығыс Қазақстан облыстары мен Шымкент қаласының әкімдігі жұмысты жалғастырсын және әкімдіктер қызметінің ақпараттық ашықтығын қамтамасыз етудегі бақылауды күшейтсін.

 

  1. Қызылорда, Ақмола және Атырау облыстары әкімдіктері қызметінің ашықтығын қамтамасыз етудің кейбір мәселелері туралы

 (Қадыров, Сақтағанов, Әміренова, Бисембиев)

 

  1. Қызылорда облысы әкімінің орынбасары Н.А. Сақтағановтың, Ақмола облысы әкімінің орынбасары А.Б. Әміренованың және Атырау облысы әкімінің орынбасары Ж.О. Бисембиевтің әкімдіктер қызметінің ақпараттық ашықтығын қамтамасыз ету бойынша жүргізіліп жатқан жұмыстары туралы ақпараты назарға алынсын.
  2. Қызылорда облысының әкімдігі а.ж. 30 желтоқсаннан кешіктірмей:

- МО ИРБП-да нормативтік құқықтық актілердің жобаларын, бюджеттік бағдарламаларды және бюджеттік бағдарламалардың іске асырылуы туралы есептерді жария талқылауды жүргізу мерзімдері туралы халықты хабардар етуге бағытталған ақпараттық хабарламалар мен баспасөз хабарламаларын;

- Ашық деректердің интернет-порталында орналастырылатын мемлекеттік органдардың ашық деректерінің бірыңғай тізбесіне сәйкес ашық деректер жиынтығын жариялауды қамтамасыз етсін.

  1. Ақмола және Атырау облыстарының әкімдіктері а.ж. 30 желтоқсанынан кешіктірмей:

- «Ашық деректер» порталында ашық деректер жиынтығын уақытылы өзектендірілу мен дұрыс орналастырылуын;

- «Ашық диалог» порталында мемлекеттік органдардың бірінші басшыларының блог-платформасына түсетін азаматтардың сауалдарына, сондай-ақ «Ашық НҚА» порталында НҚА жобаларына пайдаланушылардың берген ұсыныстары мен түсініктемелеріне толық және уақытылы жауаптардың ұсынылуын;

- НҚА жобаларын жария талқылауды өткізу мерзімдері туралы халықты хабардар етуге бағытталған баспасөз релиздерін жариялануын қамтамасыз етсін.

 

  1. «Ашық үкімет» порталдарын дамыту жоспары туралы

 (Қадыров, Оразова)

 

  1. «Ұлттық ақпараттық технологиялар» АҚ төрағасының орынбасары А.А. Оразованың «Ашық үкімет» порталдарын дамыту жөніндегі алдағы жұмыс туралы ақпараты назарға алынсын.
  2. Ұсынылған «Ашық Үкімет» порталдарын дамыту жөніндегі жол картасының жобасы бекітілсін.

 

 

       Комиссия төрағасының орынбасары,

                 Қазақстан Республикасы

             Ақпарат және қоғамдық даму

                        вице-министрі                                                                 Д. Қадыров

 

Комиссия хатшысы, Қазақстан Республикасы

Ақпарат және қоғамдық даму министрлігінің

  Мемлекет пен қоғам коммуникацияларын

      дамыту департаментінің директоры                                                   Б. Рақымов

Дата публикации
30 декабря 2022