Жоба
Қоғамдағы еңбек құндылығы идеологиясын ілгерілетудің
2023 – 2025 жылдарға арналған кешенді жоспарын бекіту туралы
Мемлекет басшысының 2022 жылғы 1 қыркүйектегі «Әділетті мемлекет. Біртұтас ұлт. Берекелі қоғам» атты жолдауын іске асыру жөніндегі жалпыұлттық іс шаралар жоспарының 75 тармағын іске асыру аясында.
2022 жылғы 13 қыркүйектегі № 1008, Қазақстан Республикасының Үкіметі ҚАУЛЫ ЕТЕДІ:
- Қоса беріліп отырған 2023 – 2025 жылдарға арналған қоғамдағы еңбек құндылығы идеологиясын ілгерілету жөніндегі кешенді жоспар (бұдан әрі – кешенді жоспар) бекітілсін.
- Орталық және жергілікті атқарушы органдарға, Қазақстан Республикасының Президентіне тікелей бағынатын және есеп беретін мемлекеттік органдарға (келісім бойынша), сондай-ақ Кешенді жоспардың орындалуына жауапты өзге де ұйымдарға (келісім бойынша):
1) Кешенді жоспарда көзделген іс-шаралардың уақтылы іске асырылуын қамтамасыз етуге;
2) тоқсан сайын есепті тоқсаннан кейінгі айдың 5-күніне дейін кешенді жоспардың орындалу барысы туралы ақпаратты Қазақстан Республикасы Ақпарат және қоғамдық даму министрлігіне ұсынуға міндетті.
- Қазақстан Республикасы Ақпарат және қоғамдық даму министрлігі жылына екі рет, 15 шілдеге және 15 қаңтарға қарай Кешенді жоспардың орындалу барысы туралы жиынтық ақпаратты Қазақстан Республикасы Премьер-Министрінің Кеңсесіне ұсынсын.
- Кешенді жоспардың орындалуын бақылау және үйлестіру Қазақстан Республикасы Ақпарат және қоғамдық даму министрлігіне жүктелсін.
- Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі Ә. Смайылов