Қазақстан Республикасы Ақпарат және қоғамдық даму министрлігінің Мемлекет пен қоғам коммуникацияларын дамыту департаменті туралы ереже

Қазақстан Республикасы

Ақпарат және қоғамдық даму министрінің

2021 жылғы «__» __________

№ ___ бұйрығына

№ 5 қосымша

 

                                                         

Қазақстан Республикасы Ақпарат және қоғамдық даму министрлігінің

Мемлекет пен қоғам коммуникацияларын дамыту департаменті туралы

ЕРЕЖЕ

 

 

1-тарау. Жалпы ережелер

 

1. Мемлекет пен қоғам коммуникацияларын дамыту департаменті (бұдан әрі – Департамент) Қазақстан Республикасы Ақпарат және қоғамдық даму министрлігінің (бұдан әрі – Министрлік) құрылымдық бөлімшесі болып табылады.
2. Департамент өз қызметінде Қазақстан Республикасының Конституциясын, «Ақпаратқа қол жеткізу туралы» Қазақстан Республикасы Заңын қоса алғанда заңнамалық актілерін, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Департаменттің құрылымын Қазақстан Республикасының заңнамасында белгіленген тәртіпте Қазақстан Республикасы Ақпарат және қоғамдық даму Министрі бекітеді.

Құрылымдық бөлімшенің штат санын Қазақстан Республикасының заңнамасында белгіленген тәртіпте Қазақстан Республикасы Ақпарат және қоғамдық даму министрлігінің аппарат басшысы бекітеді.

4. Департамент:

• Мемлекеттік органдарда қоғамдық қатысу және ашықтық қағидаттарын дамыту басқармасынан (бұдан әрі – МОҚҚжАҚДБ);
• Мемлекет пен қоғамның өзара іс-қимылын талдау және бағалау басқармасынан (бұдан әрі – МпҚӨІҚТжББ) тұрады.

 

 

2-тарау. Департаменттің негізгі міндеттері, функциялары, құқықтары мен міндеттері

 

5. МОҚҚжАҚДБ:

5.1. Міндеттері:

1) мемлекеттік органдарда ашықтық қағидаттарын дамытуды қамтамасыз ету;

2) мемлекеттік органдардың қызметіне қоғамдық қатысу қағидаттарын дамытуды қамтамасыз ету.

5.2. Функциялары:

стратегиялық:

• ақпаратқа қол жеткізу саласындағы мемлекеттік саясатты қалыптастыруды және іске асыруды қамтамасыз ету;
• Департаменттің құзыретіне жататын мәселелер бойынша стратегиялық және бағдарламалық құжаттарды әзірлеу;

реттеуші:

1) ақпаратқа қол жеткізу саласындағы мемлекеттік органдардың қызметін мониторингтеу мен ведомствоаралық үйлестіруді жүзеге асыру;

2) ақпараттандыру саласындағы уәкілетті органмен келісу бойынша ашық деректердің интернет-порталында ақпаратты орналастыру қағидаларын әзірлеу;

• ақпараттандыру саласындағы уәкілетті органмен, мемлекеттік жоспарлау жөніндегі орталық уәкілетті органмен, бюджетті атқару жөніндегі орталық уәкілетті органмен келісу бойынша ашық бюджеттердің интернет-порталында ақпаратты орналастыру және бюджеттік бағдарламалардың жобаларын (бюджеттік бағдарламаларды іске асыру туралы есептерді) жария талқылау қағидаларын әзірлеу;
• Республикалық бюджеттің атқарылуын бақылау жөніндегі есеп комитетімен және ақпараттандыру саласындағы уәкілетті органмен келісу бойынша мемлекеттік органдар қызметінің тиімділігін бағалау интернет-порталында ақпаратты орналастыру қағидаларын әзірлеу;
• ақпараттандыру саласындағы уәкілетті органмен келісу бойынша ашық диалогтың интернет-порталында жұмыс істеу қағидаларын әзірлейді;

іске асыру:

1) ақпарат иеленушілермен және пайдаланушылармен ақпаратқа қол жеткізу мәселелері бойынша өзара іс-қимыл жасау;

2) ақпарат иеленушілерге ақпаратқа қол жеткізу мәселелері бойынша практикалық және әдістемелік көмек көрсету;

3) мемлекеттік органдардың «Халық үніне назар аударатын мемлекет» қағидатын қолдану практикасын қорыту;

4) мемлекеттік органдардың бірінші басшыларының халыққа есеп беру кездесулерін өткізу кестесін әзірлеу;

5) үкіметтік емес ұйымдардың, бизнес пен халықтың сұрау салулары мен қажеттіліктеріне жедел және тиімді ден қоюға бағытталған шараларды әзірлеу;

• мемлекеттік органдар мен квазимемлекеттік сектор ұйымдары қызметінің ашықтығы мен есептілігін арттыру бойынша ұсыныстарды әзірлеу;
• Департаменттің құзыреті шегінде ақпаратты ашық деректердің интернет-порталында орналастыру;
• Департаменттің құзыреті шегінде ақпаратты ашық нормативтік құқықтық актілердің интернет-порталында орналастыру;
• Қазақстан Республикасындағы ақпаратқа қол жеткізу саласының жай-күйі туралы жылдық есептің жобасын дайындауға қатысу;
• мемлекеттік органдардың ашық деректердің интернет-порталында орналастырылатын ашық деректерінің бірыңғай тізбесін әзірлеу;
• мемлекеттік органдар мен квазимемлекеттік сектор ұйымдарының ашықтықты, сондай-ақ қоғамдық қатысуды қамтамасыз ету жөніндегі қызметіне мониторингті және үйлестіруді жүзеге асыру;
• ашықтық, сондай-ақ қоғамдық қатысу қағидаттарын дамыту мәселелері бойынша мемлекеттік органдармен және квазимемлекеттік сектор ұйымдарымен өзара іс-қимылды жасау;
• мемлекеттік органдар мен квазимемлекеттік сектор ұйымдарына ашықтық, сондай-ақ қоғамдық қатысу қағидаттарын дамыту мәселелері бойынша практикалық және әдістемелік көмекті қамтамасыз ету;
• Департаменттің құзыреті шегінде Қоғамдық кеңестің ұсынымдарын қарастыру;
• Департамент жетекшілік ететін салалар бойынша мамандарға қажеттілік бойынша Персоналды басқару департаментіне ұсыныстарды әзірлеу;
• ақпаратқа қол жеткізу саласындағы заңнама талаптарын орындау бойынша ақпарат иеленушілер ұсынған ақпаратты жинауды және талдауды жүзеге асыру;
• «Ашық Үкіметті» дамытудың негізгі бағыттарын айқындауға қатысу;
• құқық қолдану практикасы мен халықаралық тәжірибе негізінде мемлекеттік органдарға қоғамдық қатысу қағидаттарын әзірлеу;
• құқық қолдану практикасы және халықаралық тәжірибе негізінде ақпарат иеленушілердің ақпараттық ашықтықты қамтасыз етуіне бағытталған заңнамалық, әкімшілік және ұйымдастыру сипатындағы шараларды әзірлейді және оларды Департамент басшылығының қарауына енгізу.

6. МпҚӨІҚТжББ:

6.1. Міндеттері:

1) мемлекет пен қоғамның коммуникацияларын дамыту мәселелері бойынша, сондай-ақ ақпаратқа қол жеткізу саласындағы Министрліктің қызметін ақпараттық-талдамалық қамтамасыз ету;

2) мемлекет пен қоғамның өзара іс-қимыл мәселелерін реттейтін заңнаманы жетілдіру, сондай-ақ ақпаратқа қол жеткізуді қамтамасыз ету.

6.2. Функциялары:

стратегиялық:

• ақпаратқа қол жеткізу саласындағы мемлекеттік саясатты қалыптастыруды және іске асыруды қамтамасыз ету;
• ақпаратқа қол жеткізу саласындағы халықаралық ынтымақтастықты жүзеге асыру;
• Департаменттің құзыретіне жататын мәселелер бойынша келісімдер, меморандумдар мен шарттарды, оның ішінде халықаралық шарттарды әзірлеуді және жасасуды қамтамасыз ету;
• Департаменттің құзыретіне жататын мәселелер бойынша Қазақстан Республикасының атынан жасалатын Қазақстан Республикасының халықаралық шарттары бойынша міндеттемелердің орындалуын қамтамасыз ету;

реттеуші:

1) Ақпаратқа қол жеткізу мәселелері жөніндегі комиссия туралы ережені әзірлеу;

2) Қазақстан Республикасы Әділет министрлігінің сұраныс бойынша реттеушілік саясаттың консультативтік құжатты хабарландыру тәсілінің және қоғамдық талқылауды өткізу тәсілінің (-дерінің) толыктығы бойынша корытынды дайындау;

іске асыру:

• мемлекет пен қоғамның өзара іс-қимыл мәселелері бойынша шешімдер қабылдауға, сондай-ақ ақпаратқа қол жеткізуді қамтамасыз етуге талдамалық қолдауды жүзеге асыру;
• Департаменттің құзыретіне жататын мәселелер бойынша мемлекеттік құпияларды қамтитын нормативтік құқықтық актілерді қоспағанда, кәсіпкерлік субъектілерінің мүдделерін қозғайтын нормативтік құқықтық актілердің жобаларын сараптамалық кеңестің қарауына енгізу;
• халықпен кері байланыс арналарына мониторинг және талдау жүргізу;

4) талдау және бағалау негізінде мемлекет пен қоғамның өзара іс-қимыл тетіктерін жетілдіру жөнінде ұсыныстарды әзірлеу;

5) күн тәртібін әзірлеуді, анықтамалық материалдар дайындауды, шақырулар таратуды қоса алғанда Ақпаратқа қол жеткізу мәселелері жөніндегі комиссияның жұмысын ұйымдастыру және оның құрамын бекіту;

6) Стамбул сыбайлас жемқорлыққа қарсы күрес жөніндегі іс-қимыл жоспарында, сондай-ақ Департаменттің құзыреті шегінде өзге стратегиялық және бағдарламалық құжаттарда көзделген іс-шаралардың іске асырылуын қамтасыз ету;

7) Департаменттің құзыреті шегінде Мемлекеттік органдардың интернет-ресурстарының бірыңғай платформасында ақпаратты орналастыру және өзектендіру;

8) Департаменттің құзыретіне жататын мәселелер бойынша саяси партиялар, қоғамдық бірлестіктер, коммерциялық емес ұйымдар, кәсіптік одақтар және өзге де ұйымдармен өзара іс-қимылды жасау;

9) Департамент құзыреті шегінде мемлекеттік стратегиялық бағдарламалар мен құжаттарды түсіндіру және ілгерілету бойынша ақпараттық-насихаттау іс-шараларын ұйымдастыру және жүзеге асыру;

10) ақпаратқа қол жеткізу және мемлекет пен қоғамның өзара іс-қимылы мәселелерін реттейтін Қазақстан Республикасы заңнамасының құқық қолдану практикасына талдауды жүргізу;

11) мемлекет пен қоғамның коммуникацияларын дамыту мәселелері бойынша әлеуметтік / талдамалық зерттеулер жүргізуді ұйымдастырады, оның ішінде техникалық ерекшелікті әзірлеу;

12) ағымдағы жағдайды және халықаралық тәжірибені талдау негізінде мемлекет пен қоғамның өзара іс-қимылы, сондай-ақ ақпаратқа қол жеткізу мәселелерін реттейтін заңнаманы жетілдіру бойынша ұсыныстар әзірлейді және оларды Департамент басшылығының қарауына енгізу;

13) жыл сайын, Қазақстан Республикасындағы ақпаратқа қол жеткізу саласының жай-күйі туралы жылдық есептің жобасын дайындау;

14) Қазақстан Республикасында ақпаратқа қол жеткізу саласының жай-күйі туралы жылдық есепті өзінің интернет-ресурсында орналастыру;

15) көшірме жасауға немесе басып шығаруға жұмсалатын нақты шығындардың мөлшерін және оларды ақпарат иеленушіге төлеу тәртібін, сондай-ақ халықтың әлеуметтік осал топтарын көшірме жасауға немесе басып шығаруға жұмсалатын нақты шығындарды төлеуден босату тәртібін әзірлеу;

16) мемлекеттік органдардың жыл сайынғы ашықтық дәрежесіне талдау жүргізу;

17) әзірлеуші Департамент болып табылатын немесе оның құзыретіне кіретін актілерге қатысты құқықтық мониторингін жүргізу.

7. Департамент өз құзыреті шегінде өз міндеттері мен функцияларын жүзеге асыру үшін құқылы:

1) Департаменттің міндеттерін орындау үшін Министрліктің құрылымдық бөлімшелерінен, сондай-ақ өзге де мемлекеттік органдардан қажетті қосымша ақпараттарды сұратуға және алуға;

2) Департаменттің өкiлеттiктерi шегiнде мәселелердi қарауға және олар бойынша шешiмдер қабылдауға қатысуға, тиiстi органдар мен лауазымды адамдардың оларды орындауын талап етуге;

3) Қазақстан Республикасы нормативтік құқықтық актілерінің жобаларын және құқықтық мәселелер бойынша Министрліктің құжаттарын әзірлеу үшін, сондай-ақ Қазақстан Республикасының заңнамасын насихаттау және Министрлікте құқықтық жаппай оқыту жөніндегі іс-шараларды іске асыру үшін Министрлік басшылығының келісімімен басқа құрылымдық бөлімшелердің жұмыскерлерін тартуға;

4) құрылымдық бөлімшелердің жұмыскерлерін сот талқылауларына қатысуға тарту;

5) заңнаманы бұзуға жол берген адамдарды тәртіптік жауаптылыққа тарту туралы мәселелерге бастама жасауға;

6) нормативтік құқықтық актілер қазақстан Республикасының заңнамасына сәйкес келмеген жағдайда, оларға қол қоюдан бас тартуға;

7) шығарылатын нормативтік құқықтық актілер бойынша қолданыстағы заңнамаға негізделген ескертпелер мен ұсыныстар беруге;

8) Министрліктің құрылымдық бөлімшелермен бірлесіп, нормативтік құқықтық актілерді әзірлеу, өзгерістер, толықтырулар енгізу, күші жойылды деп тану туралы ұсыныстар дайындау;

9) басшылықтың келісімімен Министрліктің, оның ведомстволарының жұмыскерлерін құқықтық оқытуды ұйымдастыруға және жүзеге асыруға, семинарлар, кеңестер өткізуге;

10) Департаменттің Қазақстан Республикасының заңнамасына сәйкес өзге де құқықтарды жүзеге асырады.

8. Департамент өз құзыреті шегінде өз міндеттері мен функцияларын жүзеге асыру үшін міндетті:

• Қазақстан Республикасының Конституциясын және заңнамасын

сақтауға;

2) Министрліктің құрылымдық бөлімшелерінің, ведомстволарының

өтініштеріне байланысты немесе өзара жұмыс тәртібінің қарым-қатынасы кезінде нормативтік құқықтық актілерді түсіндіру, кеңес беру бойынша ұсынымдар беруге;

3) Атқаратын функционалдық міндеттерін орындау кезінде нормативтік құқықтық актілердің талаптарын сақтауға;

4) Министрлік басшылығының тапсырмасымен Министрлікте және оның ведомстволарында құқықтық жұмыстардың жай-күйін және заңдылықтың сақталуын тексеруді жүзеге асыруға және тексерудің қорытынды анықтамасын белгіленген мерзімде Министрліктің басшылығына ұсынуға;

5) Министрлік басшылығының тапсырмасы бойынша Министрліктің

құзыретіне кіретін құқықтық мәселелерді қарау кезінде мемлекеттік органдарда Министрліктің атынан өкілдік етуге;

         6) Министрлік басшылығының тапсырмасы бойынша мемлекеттік органдардың, халықаралық және өзге де ұйымдар өткізетін кеңестердің, отырыстардың, семинарлардың, конференциялардың жұмысына қатысуға;

         7) Департаментте мемлекеттiк меншiктiң сақталуын қамтамасыз етуге, өзіне сеніп тапсырылған мемлекеттiк меншiктi қызметтiк мақсаттарда ғана пайдалануға;

8) Департаменттің өкілеттіктерін атқару кезiнде алатын, азаматтардың жеке өмiрiн, ар-намысы мен қадiр-қасиетiн қозғайтын мәлiметтердi жария етпеуге және Қазақстан Республикасының заңдарында көзделген жағдайларды қоспағанда, олардан мұндай ақпарат берудi талап етпеуге;

9) басшылардың бұйрықтары мен өкiмдерi, жоғары тұрған органдар мен лауазымды адамдардың шешiмдерi мен нұсқаулары олардың лауазымдық өкілеттіктері шегiнде шығарылған болса, оларды орындауға;

10) Департаменттің Қазақстан Республикасының заңнамасына сәйкес өзге де міндеттерді жүзеге асырады.

  

3-тарау. Департаменттің қызметін ұйымдастыру

 

9. Департамент заңнамалық актілерге, Қазақстан Республикасы Президенті мен Үкіметінің актілеріне, Қазақстан Республикасының өзге де нормативтік құқықтық актілеріне сәйкес, өзінің негізгі міндеттері мен функцияларын іске асыру үшін қажетті өкілеттікке ие.
10. Департаментті Қазақстан Республикасының заңнамасында белгіленген тәртіппен лауазымға тағайындалатын және лауазымнан босатылатын директор басқарады.
11.  Директор Департаменттің қызметіне жалпы басшылықты жүзеге асырады және Департаментке жүктелген міндеттердің орындалуы мен оның өз функцияларын жүзеге асыру үшін дербес жауапты болады.
12. Департаменттің директоры Министрге, өз құзыреті шегінде Аппарат басшысына, сондай-ақ жетекшілік ететін вице-министрге бағынады.
13. Департамент директоры Аппарат басшысына Департаменттің құрылымы мен штат кестесі бойынша ұсыныстар енгізеді.
14. Департаменттің құзыретіне кіретін мәселелер бойынша Департамент атынан басқа құрылымдық бөлімшелерге жіберілетін құжаттарға Департамент директоры, ол болмаған жағдайда Директордың орынбасары қол қояды.
15. Департамент директоры, оның орынбасары, басқарма басшылары және қызметкерлері сыбайлас жемқорлыққа қарсы іс-қимыл жасауға міндетті және Қазақстан Республикасының сыбайлас жемқорлыққа қарсы іс-қимыл туралы заңнамасын сақтауға дербес жауапты болады.
16. Департамент қызметкерлерінің құқықтары мен міндеттері белгіленген тәртіппен бекітілетін олардың лауазымдық нұсқаулықтарымен айқындалады.

                         ________________________________________

 

Дата публикации

20 декабря 2021