Қазақстан Республикасы Цифрлық даму, инновациялар және аэроғарыш өнеркәсібі министрлігі Жасанды интеллект және инновацияларды дамыту комитеті Инновациялық шешімдер экспортын дамыту басқармасының бас сарапшысы, C-4 (1 бірлік) № УРЭИР-4

Қазақстан Республикасының Конституциясын және заңнамасын сақтауға; Қазақстан Республикасының Президентi бекiткен тәртiппен мемлекеттiк қызметшiнiң антын қабылдауға; Азаматтар мен заңды тұлғалар құқықтарының, бостандықтары мен заңды мүдделерiнiң сақталуын және қорғалуын қамтамасыз етуге, олардың өтiнiштерiн Қазақстан Республикасының заңнамасында белгiленген тәртiппен және мерзiмдерде қарауға және олар бойынша қажеттi шаралар қабылдауға; Функцияларын өздерінің лауазымдық өкілеттіктеріне сәйкес жүзеге асыруға; Лауазымдық өкілеттіктерін жүзеге асыру кезінде саяси партиялардың, қоғамдық және діни бірлестіктердің қызметінен бейтарап және тәуелсіз болуға; Қызметтік тәртiпті сақтауға; Қазақстан Республикасының заңдарында белгіленген шектеулердi сақтауға; Қызметтік әдепті сақтауға; Басшылардың бұйрықтары мен өкiмдерi, жоғары тұрған органдар мен лауазымды адамдардың шешiмдерi мен нұсқаулары олардың лауазымдық өкілеттіктері шегiнде шығарылған болса, оларды орындауға; Мемлекеттiк құпияларды және заңмен қорғалатын өзге де құпияны сақтауға, оның iшiнде мемлекеттiк қызметтi тоқтатқаннан кейiн заңмен белгiленген уақыт iшiнде сақтауға, ол жөнiнде қолхат беруге; Лауазымдық өкілеттіктерін атқару кезiнде алатын, азаматтардың жеке өмiрiн, ар-намысы мен қадiр-қасиетiн қозғайтын мәлiметтердi жария етпеуге және Қазақстан Республикасының заңдарында көзделген жағдайларды қоспағанда, олардан мұндай ақпарат берудi талап етпеуге; Мемлекеттiк меншiктiң сақталуын қамтамасыз етуге, өзіне сеніп тапсырылған мемлекеттiк меншiктi қызметтiк мақсаттарда ғана пайдалануға; Өздеріне мәлім болған сыбайлас жемқорлық құқық бұзушылық жағдайлары туралы өздері жұмыс істейтін мемлекеттік орган басшылығының және (немесе) құқық қорғау органдарының назарына дереу жеткізуге; Лауазымдық міндеттерін тиiмдi атқару үшiн өзiнiң кәсiби деңгейi мен біліктiлiгiн арттыруға; Өздерін жоғары оқу орнынан кейінгі білім беру бағдарламалары бойынша мемлекеттік тапсырыс шеңберінде оқуға жіберген мемлекеттік органда тікелей оқу аяқталғаннан кейін, сондай-ақ Қазақстан Республикасының Үкіметі Қазақстан Республикасы Президентінің Әкімшілігімен келісу бойынша айқындаған тәртіппен және мерзімдерде мемлекеттік қызметте жұмыспен өтеуге мiндеттi. Осы міндеттемені орындамау мемлекеттік қызметшінің мемлекетке өзін оқытуға бөлінген бюджет қаражатын және оқумен байланысты шығындарды орындалмаған міндеттемелерге пропорционалды өтеуіне әкеп соғады; Қазақстан Республикасының заңнамасына сәйкес мемлекеттік органның ақпараттық ресурстарымен жұмыс процесінде ақпараттық қауіпсіздікті қамтамасыз етуге; Басқарма құзыреті шегінде отандық IT өнімдер мен қызметтерді сыртқы нарықтарға жылжыту мақсатында халықаралық ынтымақтастықты жүзеге асыруға қатысу; Басқарма құзыреті шегінде электрондық өнеркәсіп өнімдерінің, IT өнімдер мен қызметтердің экспортын дамыту және ілгерілету жөнінде ұсыныстар әзірлеу; Басқарма құзыреті шеңберінде электрондық өнеркәсіп өнімдерінің, IT өнімдер мен қызметтердің экспортын қолдаудың мемлекеттік шараларын жетілдіру жөнінде ұсыныстар әзірлеу; Басқарма құзыреті шегінде IT фрилансерлерді ынталандыру үшін жағдай жасау жөніндегі жұмыстарды үйлестіру; Басқарма құзыреті шеңберінде отандық электрондық өнеркәсіп өнімдерінің, IT өнімдер мен қызметтердің экспортын қолдау және ілгерілету мәселелері бойынша нормативтік құқықтық актілердің жобаларын қарау және келісу; Басқарманың құзыреті шегінде жеке және заңды тұлғалардың өтініштерін белгіленген тәртіппен қарау; Басқарма құзыреті шегінде үкіметаралық және ведомствоаралық комиссияларға, арнайы жұмыс топтарына қатысу; Құзыреті шеңберінде Министрліктің стратегиялық және операциялық жоспарының іс-шараларын сапалы және уақтылы орындау бойынша жұмыстарды жүзеге асыру; Басқарманың бюджеттік өтінімін, жоспарларын, есептерін және Басқарманың басқа да ағымдағы қызметтік міндеттерін қалыптастыру; Басқарма жобалары шеңберінде Мемлекеттік сатып алу бойынша конкурстар өткізуді қамтамасыз етуге қатысу; Басқарма құзыреті шегінде Министрлік басшылығының шетелдік делегациялармен кездесулерін ұйымдастыру; Басқарма құзыреті шегінде мемлекеттік органдардың стратегиялық құжаттарын қарау; Сыбайлас жемқорлыққа қарсы іс-қимыл жөнінде шаралар қабылдау. Ақпараттық қауіпсіздік жөніндегі шараларды сақтауға және ақпараттық қауіпсіздік жөніндегі заңнаманың талаптарына сәйкес міндеттемелерді орындауға; халықаралық саяси және экономикалық жағдайларды талдайды; келіссөздер үдерісіне және халықаралық келісімдерді әзірлеуге қатысады; ЖИ стратегияларын әзірлейді және үйлестіреді; Е-Өтініш ақпараттық жүйесінде жеке және заңды тұлғалардың өтініштері бойынша мәселелер мен қабылданған шешімдердің сипатын сенімді түрде толтыру.

Хабарландыруда көрсетілген лауазымдық айлықақы нақты қызметшінің жұмыс өтіліне байланысты өзгеше болуы мүмкін.

«Қазақстан Республикасының мемлекеттік қызметі туралы» Заңның 28-бабы 3-тармағына сәйкес жалпы конкурсқа қатысуға тесттен алдын ала өткен азаматтар жіберіледі.

Азаматтардың құқықтары мен міндеттері