Меню
Қызылорда облысының жер қоры 2019 жылдың 1 қарашадағы жағдайы бойынша 24041,4 мың гектарды құрап отыр.
Қызылорда облысымен Қарағанды облысынан 2210,9 мың гектар жерлер ұзақ мерзімді пайдаланылуға алынған. Облыстың 771,4 мың гектар жерлері Ресей Федерациясына «Байқоңыр» кешені және «Сары-Шаған» әскери полигоны үшін уақытша пайдаланылуға берілген.
2019 жылдың 1 қарашадағы жағдайы бойынша ауыл шаруашылығы мақсатындағы жер көлемі – 2701,6 мың гектар.
Елді мекендер жері көлемі 01.11.2019 жылға бары – 838,3 мың га құрауда.
Өнеркәсіп, көлік, байланыс, қорғаныс жері және а/ш-нан өзге мақсатқа арналған жерлер санатының көлемі 01.11.2019 жылға бары – 253,0 мың га құрады.
Ерекше қорғалатын табиғи аумақтардың жерлері 2019 жылдың 1 қарашадағы жағдайы бойынша 161,2 мың гектар.
Орман қоры жерлерінің көлемі 2019 жылдың 1 қарашадағы жағдайына 6510,3 мың га құрауда.
Су қорының жерлері санаты бойынша 2019 жылдың 1 қарашадағы жағдайына 2287,2 мың га құрауда.
Босалқы жерлер санаты бойынша 01.11.2019 жылға бары – 11289,8 мың га;
2019 жылдың 1 қарашадағы жағдайына облыстағы суармалы жерлердің көлемі 251 мың гектарды құрады.
ҚР жер заңнамаларымен ауыл шаруашылығын жүргізу үшін жер учаскелерін табыстауға бөлек бап қаралған және бұл мақсатта учаскенің тек конкурстық тәртіпте берілетіні белгіленген (ҚР Жер кодексінің 43-1 бабы).
Жер учаскесін алуға мүдделі тұлға (азамат немесе заңды тұлға) учаске орналасқан жердің әкімдігіне өтініш білдіре алады.
Әкімдіктің салалық құрылымдық бөлімшесі – жер қатынастары бөлімі азаматтардың өтініштерін ескере отырып конкурсқа шығарылатын учаскелердің тізімін қалыптастырады.
Учаскелер ауыл әкімі, қоғамдық кеңес және ауыл шаруашылығы кешені мекемелерімен келісіледі.
Келісілген учаскеге жерге орналастыру жобасы әзірленіп, дайын учаске конкурсқа шығарылады. Конкурс туралы хабарламаларды аудан әкімдігінің интернет сайтынан қарауға болады.
Конкурсты ұйымдастыру мен өткізу Қағидасы ҚР Ауыл шаруашылығы министрінің 2018 жылғы 20 желтоқсандағы №518 бұйрығымен бекітілген.
Қазақстан Республикасы Жер кодексінің 98-бабына сәйкес ауыл шаруашылығы алқабының бір түрден екінші түрге ауыстыру тәртібі белгіленген.
Осы баптың талаптарына сәйкес неғұрлым бағасы төмен а/ш алқаптарын неғұрлым бағасы жоғары алқапқа ауыстыру жергілікті су шаруашылығы мен ауыл шаруашылығы жөніндегі уәкілетті органдардың келісімі негізінде аудандық (қалалық) жергілікті атқарушы орган жүзеге асырады.
Ал, бағасы жоғары а/ш алқаптарын неғұрлым бағасы төмен алқаптарға ауыстыру үшін жергілікті су шаруашылығы, ауыл шаруашылығы және орталық уәкілетті органның келісімі негізінде облыстық жергілікті атқарушы орган жүзеге асырады. Яғни қаулы қабылдайды.
ҚР Жер кодексінің 50-бабының 2-1 тармағының Бау-бақша шаруашылығын жүргізу үшін жер учаскелері ҚР азаматтарына уақытша өтеусіз жер пайдалану құқығымен 1 гектардан аспайтын мөлшерде беріледі.