Страницы

Статья

Жауынгерлік қызмет

Қоғамдық тәртіпті күзету

Қоғамдық тәртіп күзеті – Ұлттық ұлан атқаратын қызметтік-жауынгерлік әрекеттің маңызды бір бөлігі. Патрульдік-бекеттік қызмет бөлімшелері еліміздің 19 қаласында қоғамдық тәртіп пен қауіпсіздікті қамтамасыз етеді. Жыл сайын құқықтық тәртіп әскері жауынгерлерімен бірнеше жүздеген қоғамдық-саяси, мәдени-бұқаралық және спорттық, сонымен қатар ЕЫҚҰ саммиті, ЭКСПО-2017, Азия ойындары, әлем діндерінің съездері секілді халықаралық маңызға ие шаралар кезінде қауіпсіздікті қамтамасыз етеді.

Түзету мекемелерін күзету

Ұлттық ұлан бөлімшелері сотталған әйелдердің, кәмелетке толмағандардың жазасын өтеуіне арналған қылмыстық-атқару жүйесінің мекемелерін, түрмелерді және тергеу изоляторларын қоспағанда, қылмыстық-атқару жүйесінің қауіпсіздігі орта, барынша жоғары, төтенше және аралас мекемелерін күзетуді қамтамасыз етеді.

Маңызды мемлекеттiк объектiлердi және арнайы жүктердi күзету

Ұлттық ұлан бөлімшелері аса маңызды объектілер мен арнайы жүктерді күзетеді. Олар банкноттық
фабрика, Ядролық физика институты және электр энергиясымен жабдықтау нысандарын күзетуді қамтамасыз етеді.

Төтенше жағдайлар оқиғаларын алдын алу

2015 жылдың қаңтарынан бастап «Қазақстан Республикасының Ұлттық ұланы туралы» Заңына сәйкес, азаматтық қорғаныстың әскери бөлімдері Ұлттық ұлан құрамына қосылып, оларға
апаттық-құтқару және жедел жұмыстарға қатысу міндеті жүктелді. Ұлттық ұланның әскери қызметшілері бұған дейін де зардап шеккен аймақтың тұрғындарына алғашқылардың бірі болып көмекке келіп, өз отандастарын өрттен, топан судан, қар көшкіндерінен құтқарып, табиғи апаттардың салдарын қалыпқа келтірумен айналысып келді. Ал қазір төтенше жағдайларды жою, төтенше жағдайлар орын алған аймақтарда тұрғындардың өмірін қауіпсіздендіру, эвакуациялау, төтенше жағдайлар орын алған мекенге жеткізілген жүктерді күзету мен тасымалдау жұмыстары ұландықтарға заңды түрде бекітілген.

«Б» Арнайы мақсаттағы бөлінісі

«Б» арнайы мақсаттағы бөліністері Қазақстан Республикасының аумағында қарулы қылмыскерлерді залалсыздандыру, заңсыз әскерилендірілген немесе қаруланған құрылымдар (топтар), ұйымдасқан қылмыстық топтар (қоғамдастықтар) әрекетін тоқтату жөніндегі арнайы операцияларға қатысады.