Шымкент қаласы бойынша ІМАД аудиторлары денсаулық сақтау басқармасындағы 2,1 млрд теңгеден астам қаржылық бұзушылықтарды анықтады

Шымкент қаласының Ішкі мемлекеттік аудит департаментінің аудиторлары Шымкент қаласының "Денсаулық сақтау басқармасы" мемлекеттік мекемесінде жалпы сомасы 2 106 402 300 теңге көлемінде қаржылық бұзушылықтарды анықтады.

Өткізілген аудиттік іс-шара нәтижесінде бұл соманың 2024 жылға арналған бюджеттік бағдарламалар аясында қате жоспарланғаны анықталды, бұл бюджет қаражатын жоспарлау бұзушылықтарына әкелді. Сонымен қатар, 303 100 теңге көлемінде рәсімдік бұзушылықтар тіркелді.

Шымкент қаласы әкімдігінің "Шымкент қаласы әкімдігінің Шымкент қаласының 2024-2026 жылдарға арналған бюджеті туралы шешімін іске асыру туралы қаулысына өзгерістер енгізу туралы" қаулысына сәйкес, анықталған бұзушылықтар заңсыз жоспарланған қаражатты республикалық бюджетке қайтару қажеттілігіне әкелді.

Қабылданған шаралардың нәтижесінде 2 106 402 300 теңге толық көлемде бюджетке қайтарылды, бұл ішкі аудит органдары тарапынан бақылау мен қадағалаудың тиімділігін көрсетеді.

Шымкент қаласы ІММ аудиторлары мемлекеттік мекемелерде қаржылық тәртіптің сақталуын бақылауды жалғастыруда, осындай бұзушылықтардың алдын алу мақсатында.