Астана қаласы бойынша ішкі мемлекеттік аудит департаменті «Камералдық бақылау жүргізу қағидаларын бекіту туралы» Қазақстан Республикасы Қаржы министрінің бұйрығына сәйкес мемлекеттік сатып алуға камералдық бақылауды жүзеге асырады, оның мақсаты сыбайлас жемқорлықтың алдын алу, бұзушылықтардың уақтылы жолын кесу және оларға жол бермеу, мемлекеттік аудит объектісіне камералдық бақылау нәтижелері бойынша анықталған бұзушылықтарды дербес жою құқығын беру және мемлекеттік аудит объектілеріне әкімшілік жүктемені азайту болып табылады..
Камералдық бақылау мемлекеттік сатып алу тәуекелінің бейіндері және заңды және жеке тұлғалардың өтініштері негізінде жүзеге асырылады.
Мәселен, Астана қаласы бойынша ішкі мемлекеттік аудит департаменті 2023 жылы камералдық бақылаумен 2 трлн теңге сомасына 82 445 лотты қамтыды.
Жүргізілген камералдық бақылау нәтижелері бойынша 101,9 млрд.теңге сомасына 3 261 бұзушылық (4%) анықталып, жойылды.
Департамент атына 3 035 сатып алу бойынша, 5 421 шағым келіп түсті, оның қорытындысы бойынша:
- 953 шағым толық қанағаттандырылды (17,6%);
- 1 093 шағым ішінара қанағаттандырылды (20,2%);
- 3 239 шағымды қанағаттандырудан бас тартылды (59,7%);
- 136 шағым қаралуда (2,5%).