Тапсырмалар:

халықты жұмыспен қамту және әлеуметтік қорғау саласындағы мемлекеттік саясатты іске асыру

бөлім құзыреті шегінде мемлекеттік қызметтерді сапалы және уақтылы көрсетуді қамтамасыз ету

Функциялары:
1) қолданыстағы заңнамаға сәйкес халықты жұмыспен қамту және әлеуметтік қорғау саласындағы бюджеттік бағдарламаларды іске асыру үшін бюджет қаражатының қажеттілігін болжау;

2) мемлекеттік қызмет көрсету тәртібін айқындайтын заңнамалық актілерге және нормативтік құқықтық актілерге сәйкес мемлекеттік қызмет көрсету;

3) өмірлік қиын жағдайдағы адамдарға (отбасына) арнаулы әлеуметтік қызметтер көрсету туралы шешім қабылдау;

4) Қазақстан Республикасының заңнамасына сәйкес әрекетке қабілетсіз немесе әрекетке қабілеттілігі шектеулі кәмелетке толған адамдарға қатысты қорғаншылық және қамқоршылық жөніндегі функцияларды жүзеге асыру;

5) Қазақстан Республикасының заңнамасында көзделген мүгедектерді әлеуметтік қолдау шараларын қамтамасыз ету;

6) арнаулы әлеуметтік қызметтер көрсету, халыққа атаулы әлеуметтік көмек көрсету саласындағы мемлекеттік әлеуметтік саясатты іске асыру;

7) тұрғын үй көмегін тағайындау және төлеу;

8) коммерциялық емес (үкіметтік емес) ұйымдармен өзара іс-қимыл жасау;

9) қарттар мен мүгедектерге үйде қызмет көрсетуді ұйымдастыру;

10) 1941 жылғы 22 маусымнан 1945 жылғы 9 мамырға дейінгі кезеңде кемінде 6 ай жұмыс істеген адамдардың еңбек өтілін белгілеу жөніндегі арнайы комиссияның жұмыс органының функцияларын жүзеге асыру;

11) Семей ядролық сынақ полигонындағы ядролық сынақтар нәтижесінде зардап шеккен азаматтарды тіркеу және есепке алу жөніндегі арнайы комиссияның жұмыс органының функцияларын жүзеге асыру. Семей ядролық сынақ полигонындағы ядролық сынақтар салдарынан зардап шеккендерге жеңілдіктер мен өтемақылар алу құқығын растайтын анықтамалар беру;

12) қиын өмірлік жағдайдың басталуына байланысты әлеуметтік көмек алуға өтініш білдірген адамдардың (отбасының) өтініштерін қарау және әлеуметтік көмек көрсету қажеттілігі туралы қорытындылар беру жөніндегі арнайы комиссияның жұмыс органының функцияларын жүзеге асыру;

13) бөлім басшысының және бөлімнің орынбасарларының жеке және заңды тұлғалардың өтініштерін қабылдау, тіркеу және есепке алу, олар бойынша қажетті шаралар қабылдау.