«Қызыл қабырға» – 1918-1919 жж. қызыл гвардияшыларды, партия және кеңес жұмыскерлерін атқан орын

Ескерткіш датасы: 1919 ж., сәуір

Орналасқан жері: Қостанай қ., Алтынсарин көшесі, 115.

Тарихи-революциялық ескерткіш – 1919 жылғы наурыз-сәуір айларында өткен Қостанайдағы шаруа көтерілісінің қатал басылып-жаншылуы туралы тарихи оқиғаның белгісі.   

10-сәуір түнінен Колчак жазалаушылары қанды жазаны бастады. Ұсталған партизандарды, бейбіт тұрғындарды көшелерде, Халық үйінің ауласында атып тастап жатты.

Қызыл қабырға – көпес ауласы орнындағы қамба көрінісі. Қабырға балшықтан жасалған кәдімгі қызыл түсті кірпіштен қаланған. Қабырғада оқтың іздері көрініп тұр.

Мемориалдық тақтада екі тілде жазылған жазба бар: «Бұл қабырғаның  тұсында 1919 жылы сәуірде Колчак жазалаушылары қызыл партизандарды Қостанай шаруалары көтерілісінің қатысушыларын жаппай атты».

Қабырғаның өлшемі: ұзындығы - 20,6 м, биіктігі – 4,5 метр, ені – 0,6 м.