Денисов аудандық мәслихатыңың «Қостанай облысы Денисов ауданы мәслихатының 2020 жылғы 28 тамыздағы №69 «Бейбіт жиналыстарды ұйымдастыру және өткізу туралы» шешіміне өзгерістер енгізу туралы» шешім жобасы

ЖОБА

Мәслихаттың 2020 жылғы

28 тамыздағы № 69 «Бейбіт жиналыстарды ұйымдастыру және өткізу туралы» шешіміне өзгерістер енгізу туралы

         Денисов аудандық мәслихаты ШЕШІМ ҚАБЫЛДАДЫ:

1. Мәслихаттың «Бейбіт жиналыстарды ұйымдастыру және өткізу туралы» 2020 жылғы 28 тамыздағы № 69 шешіміне (нормативтік құқықтық актілерді мемлекеттік тіркеу тізілімінде № 9422 болып тіркелген) мынадай өзгерістер енгізілсін:

көрсетілген шешімнің 1-қосымшасында «Жиналыстарды, митингілерді және пикеттерді ұйымдастыруға және өткізуге арналған мамандандырылған орындар» деген жол жаңа редакцияда жазылсын:

«Жиналыстар мен митингілерді ұйымдастыруға және өткізуге арналған мамандандырылған орындар»;

көрсетілген шешімнің 2 қосымшасының 18 тармағы жаңа редакцияда жазылсын:

«18. Пикеттеуді жүзеге асыратын адамдар арасындағы ең аз рұқсат етілген қашықтық кемінде 100 метрді құрайды;

көрсетілген шешімнің 2 қосымшасының 20 тармағы жаңа редакцияда жазылсын:

«20. Мынадай объектілердің іргелес аумақтарының шекараларынан 500 метр қашықтықта пикет өткізуге жол берілмейді:

1) жаппай жерлеу орындары;

2) теміржол, су, әуе және автомобиль көлігі объектілері және оларға іргелес аумақтар;

3) ауданның қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес аумақтар;

4) пайдалану қауіпсіздік техникасының арнайы қағидаларын сақтауды талап ететін қауіпті өндірістік объектілерге және өзге де объектілерге іргелес аумақтар;

5) магистральдық темір жол желілері, магистральдық құбырлар, ұлттық электр желісі, магистральдық байланыс желілері және оларға іргелес аумақтар.».

2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.