GOV.KZ – Единая платформа цифровых ресурсов государственных органов (ЕПЦР ГО)
Меню
Страницы
Все материалы
13 января 2026
Ауыл көшелері қардан тазартылды.Қарасу ауылында қыс мезгіліндегі жауын-шашынның салдарынан жиналған қарды тазалау жұмыстары ұйымдастырылды. Ауыл көшелерінің қарын тазарту мақсатында арнайы техника тартылып, жол қозғалысы мен жаяу жүргіншілердің қауіпсіздігін қамтамасыз ету бағытында жұмыстар атқарылып,
тұрғындардың күнделікті қозғалысына қолайлы жағдай жасалды.
Мұндай жұмыстар алдағы уақытта да қысқы қауіпсіздікті қамтамасыз ету мақсатында тұрақты түрде жалғасын табатын болады.
13 января 2026
Хош келдің, Жаңа 2026 жыл!2025 жылдың 30 желтоқсанында Қарасу ауылында жаңа жылдық мерекелік кеш ұйымдастырылды. Ауыл әкімі Еламан Құлахметұлы барша тұрғындарды айтулы мерекемен құттықтап, жыл ішінде ауылдың түрлі мәдени-спорттық шараларына, қоғамдық жұмыстарға белсене қатысқан азаматтар мен оқушыларды марапаттады. Сондай-ақ, Кештің жақсы өтуіне атсалысып, демеушілік көрсеткен "Асылжан" шаруа қожалығының басшысы Қаржауов Асқарбек Айтмұханұлын және "Хантөре" шаруа қожалығының басшысы Садықов Боранбай Бәкіржанұлын ерекше атап өтіп, ауыл жұртшылығы атынан алғыс білдірді.
Кеш барысында Аман-Су, әкімшілік қызметкерлері және ауыл тұрғындарының қатысуымен ән айтылып, сахналық қойылымдар қойылды. Сонымен қатар, көрермендер арасынан командалық ойындар ойнатылып, белсенді қатысушыларға шағын сыйлықтар табыс етілді.
12 января 2026
"І Love қазақша" жобасы«I 
қазақша» жобасы: Ахмед Магомедов
қазақша» жобасы: Ахмед МагомедовБіздің келесі қатысушымыз Ахмед Магомедов нағыз үлгі тұтарлық жан: ұлты авар бола тұрып, ол мемлекеттік тілді жетік біледі, жергілікті мектепте балаларға орыс тілі мен әдебиетінен сабақ беріп, бос уақытында үй шаруашылығымен айналысады, атқа мінгенді ұнатады және ауылдың қоғамдық өміріне қатысады.
«I қазақша» жобасы: Ахмед Магомедов
қазақша» жобасы: Ахмед МагомедовНаш следующий участник настоящий пример для подражания: будучи аварцем по крови, он в совершенстве владеет государственным языком, учит детей русскому языку и литературе в местной школе, в свободное время занимается домашним хозяйством, любит кататься на лошадях и участвует в общественной жизни поселка.
12 января 2026
Аудан әкімінің Қарасу ауылы тұрғындарымен есептік кездесуі өтті. Аудан әкімінің Қарасу ауылы тұрғындарымен есептік кездесуі өтті
2025 жылғы 9 желтоқсан күні Қарасу ауылында Амангелді ауданының әкімі Қ.У. Кеделбаевтың ауыл тұрғындарымен есептік кездесуі өтті.
Кездесуде аудан басшысы әлеуметтік-экономикалық даму бағытында атқарылған жұмыстар мен алдағы жоспарлар туралы баяндап, тұрғындардың сауалдарына жауап берді.
Ауыл халқы ұсыныс-пікірлерін ортаға салды.
Кездесу ашық диалог форматында өтіп, тұрғындар көтерген мәселелер назарға алынды.
12 января 2026
Құттықтаймыз!ҚҰТТЫҚТАЙМЫЗ!!!
Қарасу ауылының тұрғыны, "Қазақ тұлпары" шаруа қожалығының басшысы Әбілдин Ержан Қалмұханұлы Қостанай тұқымды жылқы өсіріп, бабын тауып, баптағаны үшін; болашақ чемпиондарды тәрбиелеу жолындағы еңбегі үшін Қостанай облысы әкімінің орынбасары Бақытжан Хаберұлы Нарымбетовтың Алғыс хатымен марапатталды.
Марапат иесін құттықтай отырып, еңбегіңіз еленіп, биіктерден көріне беріңіз дейміз!
12 января 2026
Абайла, жұқа мұз! Қарасу ауылында мұз айдынындағы қауіпсіздік бойынша ескерту және түсіндіру жұмыстары жүргізілді.
Тұрғындарға жұқа мұзға шығу, балаларды қараусыз қалдыру, белгіленбеген жерлерде сырғанау қауіпті екені түсіндіріліп, арнайы қауіпсіздік жадынамалары таратылды.
Мұз үстіндегі тәртіпті сақтау – өз өміріңіз бен жақындарыңыздың қауіпсіздігін қамтамасыз етудің басты кепілі!
12 декабря 2025
Жақсылық жасау- жүректенЖақсылық жасау-жүректен.
Амангелді ауданында Қарасу ауылының ұйымдастыруымен V дәрежелі бүйрек жетіспеушілігімен ауыратын ауыл тұрғыны Сейденов Беріктің еміне қаржылай көмек үшін; бұқаралық спортты дамыту және салауатты өмір салтын ұстану мақсатында волейбол турнирі ұйымдастырылды.
Турнирге 5 команда қатысып, нәтижесінде I орынды- Байғабыл командасы; II орынды- Амангелді командасы; III- орынды Қарасу командасы иеленді. Жарысқа ауыл жастары, мұғалімдер мен белсенді азаматтар қатысып, жиналған қаражат мұқтаж жанға көмек ретінде бағытталды.
12 декабря 2025
Ауыл шаруашылығы күні аталып өтті.ҚҰТТЫҚТАЙМЫЗ!!!
Бүгін Амангелді ауданының әкімі Кеделбаев Қанат Уәшұлы
"Ауыл шаруашылығы, азық-түлік және қайта өңдеу өнеркәсібі қызметкерлері күні" мерекесіне орай іс-шара ұйымдастырып, аудан өңірінің бірқатар шаруа қожалығы иелерін еңбектегі жоғары жетістіктері үшін марапаттап, ауданымыздың экономикасына қосқан зор үлестері үшін алғыс білдірді.
Жоғарыда аталған еңбегі үшін Қарасу ауылының тұрғыны Жухин Фарман Бақытжанұлы аудан әкімінің Құрмет грамотасымен марапатталып, "Нұрлы жол" жеке шаруашылық серіктестігінің ақшалай сыйлығына ие болды.
"Хантөре" шаруа қожалығының басшысы Садықов Боранбай Бәкіржанұлы және "Райымбек" шаруа қожалығының басшысы Дәуіт Райымбек Егеубайұлы да аудан әкімінің Алғыс хатымен марапатталып, ел қошеметіне бөленді.
Бүгінгі марапат иелерін құттықтай отырып, дендеріне саулық, отбасыларына амандық, еңбектеріне табыс тілейміз!
12 декабря 2025
ЕҢБЕК АДАМЫЕҢБЕК АДАМЫ
Маңдай терімен адал еңбек етіп, қоғамға, елге пайдасын тигізіп жүрген Еңбек адамының бірі- Қарасу ауылының тұрғыны Жүнісов Ғабдылмәжит Жақсылықұлы.
Ғабдылмәжит Жақсылықұлы 1969 жылы Қарасу ауылында туып, 1976 жылы Жасбуын орта мектебінің табалдырығын алғаш аттап, 1986 жылы аяқтады. Мектеп бітірген соң, Амангелді ауданындағы орта кәсіптік-техникалық училищенің (ол кездегі СПТУ) автомектеп бөлімінде оқып, білім алды. 1987-1989 жылдар аралығында Белоруссияда әскери борышын өтеп келген соң, осы ауылда электрик болып жұмыс істеді.
1992 жылдан бері құрылысшы болып жұмыс жасауда. Ауылдың барлық қоғамдық жұмыстарына белсене араласып, көп жылдар бойы халыққа сіңірген еңбегі үшін аудан, облыс әкімінің Құрмет грамотасымен марапатталған.
Аудан орталығында көрнекті меценат Сапар Ысқақовтың қолдауымен бой көтерген " Тәж-Махал" туристік орталығының құрылысы; Қарасу ауылының кіреберіс аркасы; балалар саябағы; "Олар жеңіспен оралды!" ескерткіші т.б. ауылдың көрнекті құрылыс нысандарына айтарлықтай өз қолтаңбасын қалдырып жүрген шебер құрылысшы.
Ғабдылмәжит Жақсылықұлы жұбайы Нұрсұлу Ғабдылқызымен 5 бала тәрбиелеп, әзірге 5 немере сүйіп, сүйікті ата, әже атанған үлгілі отбасы. Шебер құрылысшының отбасына амандық, жұмысына береке, табыс тілейміз!
12 декабря 2025
Газ құралдарын дұрыс пайдалану туралы сақтық шаралары Газ құралдарын пайдалану және өрт қаупінің алдын алу бойынша түсіндіру жұмыстары жүргізілді
Қарасу ауылында тұрмыста газ құралдарын қауіпсіз пайдалану және өрт қаупінің алдын алу мақсатында түсіндіру жұмыстары жүргізілді. Ауыл тұрғындарына тұрмыстық газбен жұмыс істеу кезіндегі қауіпсіздік ережелері түсіндіріліп, жадынамалар таратылды.
Сонымен қатар, әлеуметтік осал топқа жататын отбасылардың үйлеріне (көпбалалы, аз қамтылған, мүгедек және жалғызбасты зейнеткерлер) улы газ иісін сезгіш дабылқаққыштар (датчик) тегін орнатылды.
Бұл шаралар ауыл тұрғындарының қауіпсіздігін қамтамасыз етуге бағытталған. «Сақтансаң – сақтаймын!» қағидасын ұстана отырып, әр отбасы өз үйінде қауіпсіздік шараларын күшейтуі маңызды.
Социальные сети
Меню подвал