Ұлттық қауіпсіздік органдарының оқу орындарына қабылдау тәртібінің өзгеруі туралы

Қазақстан Республикасы Ұлттық қауіпсіздік комитеті (бұдан әрі – ҰҚК) ұлттық қауіпсіздік органдарының оқу орындарына қабылдау тәртібінің өзгергені туралы хабарлайды.

Осымен, ҰҚК Төрағасының 2024 жылғы 31 шілдедегі № 106/қе бұйрығымен ҰҚК Төрағасының 2016 жылғы 13 қаңтардағы
№ 2 бұйрығымен бекітілген Жоғары білімнің білім беру бағдарламаларын іске асырып жатқан Қазақстан Республикасы ұлттық қауіпсіздік органдарының әскери, арнаулы оқу орындарына оқуға қабылдау қағидаларына өзгерістер енгізілді.

Енгізілген түзетулер ҰҚК Шекара қызметінде мерзімді әскери қызмет өткерген және конкурстық іріктеуден өткен азаматтарға ҰБТ нәтижелерісіз мен емтихандарды тапсырмай жеңілдік жағдайларда ҰҚК Академиясына және ҰҚК Шекара академиясына түсуге мүмкіндік береді.

Бұл ретте кандидаттар кәсіби жарамдылығын және жазбаша дағдыларын эссе жазу түрінде тексеруден өтетін болады.

Тұлғалардың көрсетілген категориясы оқуға қабылдау жылына дейінгі жылдың 1 қарашасына дейін ҰҚК Шекара қызметінде мерзімді әскери қызмет өткерген және конкурстық іріктеуден өткен азаматтар мерзімді әскери қызмет аяқталған сәттен бастап бір жылдан кешіктірмей ҰҚК Шекара қызметінің кадр бөлімшелеріне ҰҚК ЖОО-ға түсуге ниет білдіру туралы өтінішпен жүгінеді.

Азаматтардың осы санаты үшін қабылдау квотасы: ҰҚК Шекара академиясына жыл сайынғы жоспарлы қабылдаудың 10 %-дан аспайды және ҰҚК Академиясына 5 %-дан аспайды.

ҰҚК баспасөз қызметі