Аумақтық жұмысты бақылау және үйлестіру басқармасы Мемлекеттік еңбек инспекциясы комитетінің аумақтық бөлімшелерінің қызметін үйлестіруді және әдістемелік сүйемелдеуді жүзеге асырады.

Қызметінің негізгі бағыттары еңбек заңнамасының сақталуына мемлекеттік бақылаудың тиімділігін арттыру, тексерулер мен профилактикалық бақылауды жүргізуді үйлестіру, аумақтық бөлімшелердің қызметіне мониторинг жүргізу, еңбек жанжалдарының себептерін талдау және олардың алдын алу жөнінде шаралар әзірлеу болып табылады.

Басқарма сондай-ақ еңбек қатынастары саласындағы ақпараттық жүйелерге мониторинг жүргізеді, аумақтық бөлімшелерге құқықтық, консультациялық және практикалық көмек көрсетеді, сондай-ақ олардың қызметінің тиімділігіне бағалау жүргізеді.