Жалпыға бірдей декларациялау

Жалпыға бірдей декларациялау бойынша

 анықтама

 

2021 жылғы 1 қаңтардан бастап Қазақстанда кезең-кезеңмен жалпыға бірдей декларациялау енгізілді (4 кезеңде).

Алғашқы үш кезең шеңберінде (2021-2024 жж.) жүйеге 4,8 млн-ға жуық адам кірді: мемлекеттік қызметшілер, басшылар, кәсіпкерлер, олардың жұбайлары және басқа да адамдар.

Мәселен, бірінші кезеңде 2021 жылғы 1 қаңтардан бастап активтер мен міндеттемелер туралы "кіру" декларациясын (250.00 ТНК) 580 мыңға жуық мемлекеттік қызметші және оларға теңестірілген адамдар, сондай-ақ олардың жұбайлары табыс етті.

Екінші кезеңде, 2023 жылғы 1 қаңтардан бастап декларацияны бейрезиденттерді қоспағанда, мемлекеттік мекемелер мен квазимемлекеттік сектордың шамамен 2,1 млн. қызметкері, сондай-ақ олардың жұбайлары табыс етті.

Үшінші кезеңде, 2024 жылғы 1 қаңтардан бастап декларацияны коммерциялық емес ұйымдардың мүшелерін қоспағанда, шамамен 2,1 млн. заңды тұлғалардың басшылары, құрылтайшылары (қатысушылары), дара кәсіпкерлер және олардың жұбайлары ұсынды.

2025 жылы төртінші кезеңдегі адамдар (шамамен 8 млн жеке тұлға) - шетелдік және цифрлық активтері, шетелдік банктердегі шоттарында ақшалай қаражаты, сондай-ақ дербес салық салуға жататын кірістері жоқ азаматтар міндетті декларациялаудан босатылды.

2025 жылы:

218,6 мың адам - активтер мен міндеттемелер туралы;

2,02 млн. адам - кірістер мен мүлік туралы декларация тапсырды.

2026 жылғы 1 қаңтардан бастап күшіне енген Салық кодексінде:

• есепті жылы жиынтық құны 20 000 еселенген АЕК-тен асатын мүлікті сатып алған;
• оның ішінде Қазақстан Республикасынан тыс жерлерде:

- төлем көзінен салық салуға жататын және кірістің жалғыз көзі болып табылатын жалақы түріндегі кіріс алған адамдарды қоспағанда, есепті салық кезеңі үшін 8 500 еселенген АЕК-тен асатын сомада;

- есепті салық кезеңі үшін 230 000 еселенген АЕК-тен асатын сомада дивидендтер түрінде кіріс алған адамдардың кірістері мен мүлкі туралы декларацияны ұсыну міндеті қосымша көзделген.

Декларацияларды ұсыну мерзімдері мен тәсілдері өзгерген жоқ. Сонымен, декларацияларды тапсыру мерзімі:

- міндеттеме туындаған жылдың 15 қыркүйегінен кешіктірмей активтер мен міндеттемелер туралы (250.00-нысан) ;

- есепті жылдан кейінгі жылдың 15 қыркүйегінен кешіктірмей кірістер мен мүлік туралы (270.00-нысан) декларация табыс етеді.

Декларацияларды беру штаттық режимде (салық төлеушінің кабинетіне, eGov, мобильді қосымшаларға электрондық түрде не қағаз жеткізгіште МКО/ХҚКО, пошта арқылы ұсынылады) жүзеге асырылады.