«Кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидаларын бекіту туралы» Қазақстан Республикасы Қаржы министрінің 2018 жылғы 20 ақпандағы № 248 бұйрығына өзгеріс енгізу туралы» Қазақстан Республикасы Қаржы министрінің 2025 жылғы 20 тамыздағы № 453 бұйрығы

БҰЙЫРАМЫН:

«Кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидаларын бекіту туралы» Қазақстан Республикасы Қаржы министрінің
2018 жылғы 20 ақпандағы № 248 бұйрығына (Нормативтік құқықтық
актілерді мемлекеттік тіркеу тізілімінде №16529 болып тіркелген) мынадай өзгеріс енгізілсін:

көрсетілген бұйрықпен бекітілген, Кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидалары осы бұйрыққа қосымшаға сәйкес жаңа редакцияда жазылсын.

Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жариялағаннан кейін оны Қазақстан Республикасы Қаржы министрлігінің интернет-ресурсында орналастыруды;

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және
2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қаржы министрі

М. Такиев

Қазақстан Реcпубликасының Қаржы министрі

2025 жылғы 20 тамыздағы

№ 453

Бұйрыққа қосымша

Қазақстан Республикасы

Қаржы министрінің

2018 жылғы 20 ақпандағы

№ 248 бұйрығымен

бекітілген

Кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидалары

1-тарау. Жалпы ережелер

Осы Кідіртілген тауарларды өткізу, пайдалану және жою, оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу, сондай-ақ оларды өткізуден алынған сомаларды қайтару қағидалары (бұдан әрі – Қағидалар) «Қазақстан Республикасындағы кедендік реттеу туралы» Қазақстан Республикасы Кодексінің (бұдан әрі – Кодекс) 453-бабы 5-тармағына, 455-бабының 6-тармағына, 456-бабының 2, 3 және 4-тармағына және 457-бабының 2-тармағына сәйкес әзірленген және:

кідіртілген тауарларды өткізу, пайдалану және жою;

оларды тасымалдау (тасу), қайта тиеу (тиеу, түсіру), сақтау бойынша шығыстарды, кідіртілген тауарларды өткізуге дайындалуға және өткізумен байланысты өзге де шығыстарды өтеу;

кідіртілген тауарларды өткізуден алынған сомаларды қайтару тәртібін айқындайды.

Осы Қағидаларда мынадай ұғымдар пайдаланылады:

1) арнаулы әлеуметтік көрсетілетін қызметтерді ұсынатын субъектілер - арнаулы әлеуметтік көрсетілетін кызметтерді ұсынуға арналған лицензия негізінде арнаулы әлеуметтік көрсетілетін қызметтерді ұсыну жөніндегі мемлекеттік және мемлекеттік емес секторларда жұмыспен қамтылған жеке және (немесе) заңды тұлғалар;

2) кідіртілген тауарлар – Кодекстің 52-тарауына сәйкес мемлекеттік кірістер органдары кідірткен тауарлар;

3) кідіртілген тауарларға арналған құжаттар – Кодекстің 52-тарауында көзделген, мемлекеттік кірістер органдары кідірткен тауарлардың құжаттары (коммерциялық, көліктік, кедендік және басқалар);

4) кідіртілген тауарлардың иесі – декларант, ал егер тауарлардың кедендік декларациялануы жүзеге асырылмаса – тауардың меншік иесі, ал егер меншік иесі шетелдік тұлға болса не тауардың меншік иесі туралы мәліметтер мемлекеттік кірістер органында болмаса, – кідірту кезінде тауарлар иелігінде болған тұлға;

5) тез бұзылуға ұшырайтын тауарлар (бұдан әрі – тез бұзылатын тауарлар) – «Кедендік операцияларды бірінші кезекте жасау тәртібі қолданылатын тез бұзылуға ұшырайтын тауарлар санаттарының тізбесін бекіту туралы» Еуразиялық экономикалық комиссия Кеңесінің 2022 жылғы 17 қазандағы № 160 шешімімен белгіленген тізбе бойынша кедендік операцияларды бірінші кезекте жасау тәртібі қолданылатын тез бұзылуға ұшырайтын тауарлар;

6) уәкілетті заңды тұлға – Кодекстің 3-бабы 1-тармағының
56) тармақшасына сәйкес айқындалған заңды тұлға.

Осы Қағидаларға сәйкес кідіртілген тауарларға қатысты өткізу және өзге де пайдалану немесе жою жүргізіліп жатса олар кедендік декларациялауға және кедендік рәсімге орналастыруға жатпайды.
Тауарлардың кідіртуін жүзеге асырған мемлекеттік кірістер органы оларға қатысты өткізу, пайдалану және жою бойынша қабылданып жатқан шараларды көрсете отырып, кідіртілген тауарлардың есепке алуын жүргізеді. Есепке алу мынадай мәліметтер:

мемлекеттік кірістер органының атауы;

сақтау орнының атауы;

тауарлар мен оларға арналған құжаттарды кідірту туралы хаттаманың күні мен нөмірі;

Кодекстің 453-бабының 1-тармағына сәйкес кідірту себебі;

меншік иесі туралы (заңды тұлғаның атауы немесе жеке тұлғаның тегі, аты, әкесінің аты (ол болған жағдайда), мекенжайы, телефон нөмірі, электрондық пошта мекенжайы) деректер;

кідіртілген тауарлар туралы (атауы, салмағы, саны қосымша сипаттамасы) деректер;

тауарларды өткізу, пайдалану не жою туралы ақпарат;

өткізумен, пайдаланумен не жоюмен байланысты есептен алу күні бойынша жүзеге асырылады.

Кодекстің 456-бабына сәйкес талап етілмейтін кідіртілген тауарларды өткізу, пайдалану немесе жою, сондай-ақ осы Қағидаларда белгіленген шығыстарды өтеу туралы шешімдердің қабылдауын тауарларды өткізу, пайдалану, жою, сондай-ақ оларды сақтау бойынша шығындарды өтеу мәселелерін қарау жөніндегі комиссия (бұдан әрі – Комиссия) жүзеге асырады.
Комиссия мемлекеттік кірістер органы басшының немесе оның алмастыратын адамның бұйрығы негізінде құрылады.
Комиссия өз қызметін мемлекеттік кірістер органының басшысы немесе оның алмастыратын адам бекіткен ережеге сәйкес жүзеге асырады.

Комиссия құрамына құзыретіне сыныптау, тауарлардың кедендік құнын айқындау, кедендік баждар мен салықтардың сомасын есептеу, уақытша сақтау қоймаларының қызметін бақылау кіретін мемлекеттік кірістер органының, заң, қаржылық қызмет және қажеттілігі бойынша басқа да құрылымдық бөлімшелердің лауазымды адамы кіреді.

Комиссия қабылдаған шешім осы Қағидаларға 1-қосымшаға сәйкес нысан бойынша Кідіртілген тауарларға қатысты шаралар қабылдау жөніндегі комиссия отырысының хаттамасымен ресімделеді.
Кодекстің 454-бабында белгіленген мерзімдерде кідіртілген тауарлар мен оларға арналған құжаттар сақталады.

Тауарлардың кідіруін жүзеге асырған мемлекеттік кірістер органы кідіртілген тауарларды сақтау мерзімі аяқталған күнге дейін күнтізбелік 15 (он бес) күн бұрын кідіртілген тауарлардың иесіне сақталу мерзімінің аяқталуы туралы хабардар етеді, ал тез бұзылатын тауарларға қатысты сақтау мерзімі кідіртілген (тез бұзылатын тауарлар) сәттен бастап 24 сағаттан аспайды – тауарлар кідірткен күн.

Хабарлама еркін нысанда хабарламасы бар тапсырыс хатпен, сондай-ақ мемлекеттік кірістер органында мұндай ақпарат болған кезде телекоммуникациялар желісін, интернетті пайдалана отырып, электрондық хат (хабарлама) арқылы жүзеге асырылады.

Кідіртілген тауардың иелері Кодекстің 454-бабында белгіленген сақтау мерзімі ішінде талап етпеген кезде, көрсетілген сақтау мерзімі өткен күннен бастап 1 (бір) жұмыс күні ішінде Комиссияның отырысы өткізіледі.

Тез бұзылатын тауарлар бойынша Комиссия отырысы оларды кідірткен күні өткізіледі.

2-тарау. Кідіртілген тауарларды өткізу және пайдалану тәртібі

Кідіртілген тауарларды өткізуге жолдау және пайдалану туралы шешім қабылдау кезінде Комиссия мынадай өлшемшарттарды:

1) өндіруші көрсеткен, тауарлардың жарамдылық (пайдалану) мерзімін;

2) өндіруші көрсеткен, сақтау шарттарының сақталуын;

3) бастапқы қаптаманың бар болуы және бүтіндігін;

4) тұтынушыға арналған ақпарат түрiнде ұсынылған тауардың құрамын (жиынтықтылығы) (этикеткалар, заттаңбалар, жапсырма қағаздар, паспорт, формуляр, нұсқаулар, қолдану жөніндегi нұсқаулықтар) басшылыққа алады.

Еуразиялық экономикалық одақтың (бұдан әрі – ЕАЭО) Кеден кодексі туралы шартты қоса алғанда, ЕАЭО шеңберінде ЕАЭО-ның кедендік құқықтық қатынастарды реттейтін халықаралық шарттарына, ЕАЭО-ның үшінші тараппен халықаралық шарттарға және ЕАЭО-ның құқығын құрайтын актілерге, 2014 жылғы 29 мамырдағы Еуразиялық экономикалық одақ туралы шартқа және Қазақстан Республикасының кеден заңнамаларына сәйкес ЕАЭО кедендік аумағына әкелуге тыйым салынған, сондай-ақ осы Қағидалардың 11-тармағында белгіленген өлшемшарттарға сәйкес келмейтін тауарлар өткізуге және пайдалануға жолдауға жатпайды.
Өткізуге жолдау және пайдалану өлшемшарттарына сәйкес келмейтін, сондай-ақ ЕАЭО кедендік аумағына әкелуге тыйым салынған тауарлар осы Қағидалардың 3-тарауына сәйкес жоюға жатады.
Кідіртілген тауарларды өткізуге жолдау туралы шешемді қабылдаған кезде Комиссия мемлекеттік кірістер органының тиісті бөлімшелеріне «Еуразиялық экономикалық одақтың сыртқы экономикалық қызметінің бірыңғай тауар номенклатурасын және Еуразиялық экономикалық одақтың Бірыңғай кедендік тарифін бекіту туралы, сондай-ақ Еуразиялық экономикалық комиссия кеңесінің кейбір шешімдерін өзгерту және күші жойылды деп тану туралы» Еуразиялық экономикалық комиссия Кеңесінің 2021 жылғы 14 қыркүйектегі № 80 шешіміне сәйкес тауарлардың кодын, кедендік құнын айқындауды және кідіртілген тауарларды ішкі тұтыну үшін шығару кедендік рәсімімен орналастыру кезінде төлеуге жататын кедендік баждардың және салықтардың сомасын есептеуді тапсырады.
Комиссияның кідіртілген тауарларды өткізуге жолдау туралы хаттамасы негізінде мемлекеттік кірістер органы Комиссия отырысының хаттамасы ресімделген күннен бастап үш жұмыс күні ішінде www.gosreestr.kz «Борышкерлердің мүлкін сату бойынша деректер базасы» (бұдан әрі – Деректер базасы) электрондық ақпараттық ресурсына:

мемлекеттік кірістер органының кідіртілген тауарларды өткізуге жолдау туралы жазбаша өтінішінің;

осы Қағидаларға 2-қосымшаға сәйкес нысан бойынша кідіртілген тауарлар туралы мәліметтердің;

«Кедендік құжаттардың нысандары туралы» Кеден одағы комиссиясының 2010 жылғы 20 мамырдағы № 260 шешімімен бекітілген нысан бойынша тауарлар және оларға арналған құжаттарды кідірту хаттамасының;

кідіртілген тауарларға қатысы бар мемлекеттік кірістер органының қарауындағы техникалық құжаттардың, фото және бейне материалдарының электрондық көшірмелерін қоса бере отырып, кідіртілген тауарлар және олардың иелері туралы (жеке сәйкестендiру нөмiрі/бизнес сәйкестендiру нөмiрi, заңды мекенжайы және орналасқан жері, банк деректемелері) мәліметтерді енгізеді.

Кідіртілген тауарлардың иесі туралы мәліметтер болмаған жағдайда, сондай-ақ кідіртілген тауарлардың иесі Қазақстан Республикасының бейрезиденті болып табылса, Деректер базасына кідіртілген тауарларды өткізуге жолдауды жүзеге асыратын мемлекеттік кірістер органдары туралы мәліметтер енгізіледі.
Деректер базасына енгізілген, кідіртілген тауарлар туралы ақпарат бағалау қызметіндегі субъектілердің оларға баға беру үшін негіз болып табылады.

Бағалау Деректер базасына ақпарат енгізілген күнінен бастап 10 (он) жұмыс күні ішінде, ал тез бұзылатын тауарлар бойынша – күнтізбелік 1 (бір) күн ішінде жүргізіледі.

Мемлекеттік кірістер органы бағалауды жүргізу үшін бағалау қызметінің субъектілеріне кідіртілген тауарларға қол жетімділікті қамтамасыз етеді.

Уәкілетті заңды тұлға тауарларды бағалау нәтижелерін дайындау күнінен бастап 3 (үш) жұмыс күні ішінде тауардың бағалау құнын Деректер базасына енгізеді не мемлекеттік кірістер органдарына тәуелсіз бағалау компаниялардың себептерді көрсете отырып бағалауды жүргізудің мүмкін еместігі туралы жазбаша хабарламасын жолдайды.
Кідіртілген тауарларды іске асыруды уәкілетті заңды тұлға «Салық төлеуші және (немесе) үшінші тұлға кепілге қойған мүлікті, сондай-ақ салық төлеушінің (салық агентінің) билік ету шектелген мүлкін – салық берешегі есебіне, төлеушінің – кедендік төлемдер, салықтар, арнайы, демпингке қарсы, өтемақы баждары, өсімпұлдар, пайыздар бойынша берешегі есебіне өткізу қағидаларын бекіту туралы» Қазақстан Республикасы Қаржы министрлігінің 2018 жылғы 1 ақпандағы № 111 бұйрығына (Нормативтік құқықтық актілерді мемлекеттік тіркеу тізілімінде № 16387 болып тіркелген) (бұдан әрі – № 111 бұйрық) сәйкес жүзеге асырады.
Тез бұзылатын тауарлардың өткізілуін уәкілетті заңды тұлға сауда қызметінің субъектілері арқылы комиссияның басталуында, электронды аукционды жүргізбестен жүзеге асырады. Тез бұзылатын тауарларды өткізудің мерзімдері мен шарттары, сондай-ақ тараптардың жауапкершілігі Комиссия уәкілетті заңды тұлғамен және сауда қызметінің субъектісімен жасаған шартта айқындалады.

Тез бұзылатын тауарларды өткізуден түскен қаражат өткізілген күннен бастап 3 (үш) жұмыс күні ішінде сауда қызметі субъектілеріне уәкілетті заңды тұлғаның банк шотына аударылады.

Тез бұзылатын тауарларды сату кезінде сауда қызметі субъектісі Статистикалық жұмыстар жоспарына сәйкес мемлекеттік статистика органдары қалыптастыратын азық-түлік тауарларына орташа бөлшек сауда бағасының деңгейі туралы ресми статистикалық ақпаратты пайдаланады.

Тез бұзылатын тауарларды сауда қызметі субъектісіне сатуға беру осы Қағидаларға 3-қосымшаға сәйкес нысан бойынша тез бұзылатын тауарларды сауда қызметі субъектісіне қабылдау-беру актісімен жүргізіледі.
Кеден одағы комиссиясының 2011 жылғы 9 желтоқсандағы № 877 шешімімен бекітілген КО ТР 018/2011 «Доңғалақты көлік құралдарының қауіпсіздігі туралы» Кеден одағының техникалық регламентіне (бұдан
әрі – Техникалық регламент) сәйкес келмейтін көлік құралдары, қосалқы бөлшектер ретінде пайдалануымен өткізуге жатады.
Кідіртілген тауарлардың өткізілуін уәкілетті заңды тұлға мемлекеттік кірістер органдары Деректер базасына кідіртілген тауарлар туралы мәліметті енгізген күннен бастап екі ай мерзімде жүзеге асырады.
Кідіртілген тауарларды өткізу бойынша уәкілетті заңды тұлға жүргізген жұмыстардың нәтижелері туралы ақпарат Деректер базасында көрсетіледі.
Уәкілетті заңды тұлға өткізген кідіртілген тауарларға қатысты мәміле сатып алу-сату шартына қол қою арқылы электрондық аукцион қорытындысы туралы хаттаманың негізінде тауар иесі мен сатып алушының арасында жасалады.
Кідіртілген тауарлардың иесіне сатып алу-сату шартына қол кою қажеттілігі туралы хабарламаны мемлекеттік кірістер органдары электрондық аукцион қорытындысы туралы хаттаманы Деректер базасында қалыптастыру күнінен бастап күнтізбелік 1 (бір) күннің ішінде, оның ішінде ақпараттық технологиялар арқылы жолдайды.

Кідіртілген тауарларды сатып алу-сату шартына кідіртілген тауарлардың иесі қол қоюдан бас тартқан не хабарлама жолданған күннен бастап күнтізбелік 7 (жеті) күннің ішінде иесі келмеген кезде, кідіртілген тауарларды сатып алу-сату шартына сатушының атынан мемлекеттік кірістер органының өкілі қол қояды.
Сатып алу-сату шартына, Комиссия шартына қол қойған күннен бастап, тауарларды кейіннен сақтау және тасымалдауға байланысты шығыстарды сатып алушы өтейді.
Осы Қағидалардың 17-тармағына сәйкес бағалаудан өтпеген, сондай-ақ осы Қағидалардың 23-тармағында белгіленген мерзімде уәкілетті заңды тұлға өткізе алмаған және одан әрі пайдалану үшін жарамды тауарлар Комиссияның шешімі бойынша баланың құқықтарын қорғау жөніндегi функцияны жүзеге асыратын ұйымдарға, қарттар мен мүгедектігі бар адамдарға арналған медициналық-әлеуметтік мекемелерге (ұйымдарға), балабақшаларға, мектептерге, медициналық-әлеуметтік мекемелерге не арнайы әлеуметтік қызмет көрсететін субъектілерге өтеусіз беріледі.
Мәдениет саласындағы уәкілетті органның қорытындысына сәйкес тарихи, ғылыми, көркем немесе өзге мәдени құндылықтарға жатқызылған тауарлар мемлекеттік мұражайларға өтеусіз беріледі.
Мемлекеттік кірістер органы кідіртілген тауарларды өтеусіз беру мақсатында жергілікті атқарушы органға осы Қағидалардың 29 және 30-тармағында көрсетілген ұйымдарды айқындау туралы өтінішті жолдайды.
Мемлекеттік кірістер органы ұйымдарға кідіртілген тауарлардың өтеусіз берілуін осы Қағидаларға 4-қосымшаға сәйкес нысан бойынша тауарларды өтеусіз беру актісіне қол қою жолымен жүргізеді.
Өтеусіз берілетін кідіртілген тауарларды, оларды сақтау орындарынан әкетуді алушы дербес жүзеге асырады. Осындай әкетумен байланысты шығыстарды тауарды алушы көтереді.
Комиссияның шешімі бойынша пайдалану үшін жарамды, уәкілетті заңды тұлға өткізе алмаған, сондай-ақ осы Қағидалардың 31-тармағында айқындалған ұйымдарда талап етілмеген тауарлар Қазақстан Республикасы Азаматтық кодексiнің 242-бабына сәйкес мемлекет меншігіне айналдыруға жатады.

3-тарау. Кідіртілген тауарларды жою тәртібі

Өткізуге және одан әрі пайдалану үшін жарамсыз, сондай-ақ ЕАЭО кедендік аумағына әкелуге тыйым салынған тауарлар Комиссияның шешімі негізінде жоюға жатады.
Кідіртілген тауарларды жоюды тауарлардың тиісті санаттарын жинауды, көмуді, залалсыздандыруды, жоюды немесе кәдеге жаратуды жүзеге асыратын мамандандырылған кәсіпорындар жүзеге асырады.

Кідіртілген тауарларды жою тауарларды көму, залалсыздандыру, кәдеге жарату немесе өзге тәсілмен жою мүмкіндігі туралы шешім қабылдау құзыретіне кіретін уәкілетті органдардың қорытындысы болған кезде жүргізіледі.

Тауарларды көму, залалсыздандыру, кәдеге жарату немесе өзге тәсілмен жою мүмкіндігі туралы шешім қабылдау құзыретіне кіретін уәкілетті органдардың қорытынды беруі «Тауарларды көму, залалсыздандыру, кәдеге жарату немесе өзге тәсілмен жою мүмкіндігі туралы шешім қабылдау құзыретіне кіретін уәкілетті органдардың қорытынды беру қағидалары бекіту туралы» Қазақстан Республикасы Қаржы министрінің 2024 жылғы 31 шілдедегі № 504 бұйрығына (Нормативтік құқықтық актілерді мемлекеттік тіркеу тізілімінде № 34864 болып тіркелген) сәйкес жүзеге асырылады.

Іс жүзінде тауарларды жою қорытынды алынған күннен бастап бір ай мерзімде жүргізіледі.

Іс жүзінде тауарларды көму, залалсыздандыру, кәдеге жарату немесе өзге тәсілмен жою Комиссияның, сондай-ақ тауарларды көму, залалсыздандыру, кәдеге жарату немесе өзге тәсілмен жою мүмкіндігі туралы шешім қабылдау құзыретіне кіретін уәкілетті органдар өкілінің қатысуымен жүргізіледі.

Жоюдың ерекше жағдайларын талап ететін қауіпті тауарларды жоюды «Рұқсаттар және хабарламалар туралы» Қазақстан Республикасының Заңына сәйкес тиісті лицензиялары бар ұйымдар жүзеге асырады.
Адамның өмірі мен денсаулығына, жануарлар мен өсімдіктерге, қоршаған ортаға қауіп төндіретін тамақ өнімдерін жою «Адамның өмірі мен денсаулығына және жануарларға, қоршаған ортаға қауіп төндіретін тамақ өнімдерін кәдеге жарату және жою ережесін бекіту туралы» Қазақстан Республикасы Үкіметінің 2008 жылғы 15 ақпандағы № 140 қаулысына сәйкес жүзеге асырылады.
Дәрілік құралдарды, медициналық мақсаттағы бұйымдар мен медициналық техниканы жою «Жарамсыз болып қалған, жарамдылық мерзімі өткен дәрілік заттар мен медициналық бұйымдарды, жалған және Қазақстан Республикасы заңнамасының талаптарына сәйкес келмейтін басқа да дәрілік заттар мен медициналық бұйымдарды жою қағидаларын бекіту туралы» Қазақстан Республикасы Денсаулық сақтау министрінің міндітін атқарушының 2020 жылғы 27 қазандағы № ҚР ДСМ-155/2020 бұйрығына (Нормативтік құқықтық актілерді мемлекеттік тіркеу тізілімінде № 21533 болып тіркелген) сәйкес жүзеге асырылады.
Іс жүзінде тауарларды жою аяқталғаннан кейін, осы Қағидаларға
5-қосымшаға сәйкес нысан бойынша кідіртілген тауарларды жою туралы акт (бұдан әрі – Жою туралы акт) жасалады.

Жою туралы акт Комиссияның барлық мүшелерінің және қатысушы тұлғалардың қолымен куәландырылады және үш данада ресімделеді:

1) бір данасы тауарларды кідірткен мемлекеттік кірістер органында сақталады;

2) екінші дана тауарларды жоюға қатысқан уәкілетті мемлекеттік органдардың өкіліне беріледі;

3) үшінші дана, кідіртілген тауарлардың иесіне (ол болған жағдайда) беріледі.

Тауарларды жою фактісі фото және (немесе) бейне түсірілімдер қолданыла отырып тіркеледі, оның нәтижесі мемлекеттік кірістер органында сақталатын Жою туралы актіге қоса тіркеледі.
Техникалық регламентке сәйкес келмейтін және қосалқы бөлшектер ретінде одан әрі пайдалануға келмейтін көлік құралдары, сондай-ақ жабдықтар, механизмдер, қара және түсті метал бұйымдары, химиялық, қағаз өнеркәсібінің өнімдері, өткізуге және пайдалануға жарамсыз тау-кен өндіру өнеркәсібінің шикізат тауарлары, тауарлардың аталған санаттарын жинауды, сақтауды, кәдеге жаратуды және қайта өңдеуді жүзеге асыратын мамандандырылған кәсіпорындарға кәдеге жаратуға немесе қайта өңдеуге беруге жатады.
Мемлекеттік кірістер органдары осы Қағидалардың 43-тармағында көрсетілген тауарларды мамандандырылган кәсіпорындарға беруді осы Қағидаларға 6-қосымшаға сәйкес нысан бойынша тауарларды кәдеге жаратуға (қайта өңдеуге) қабылдап алу-беру актісі бойынша жүзеге асырады.
Өтеусіз негізде кәдеге жаратуға және қайта өңдеуге кідіртілген тауарларды беруден алынған қаржы қаражаты республикалық бюджетке аударуға жатады.
Кідіртілген тауарларды өтеусіз беру, жою, кідіртілген тауарларды кәдеге жаратуға (қайта өңдеуге) қабылдап алу-беру актілерін тіркеу осы Қағидаларға 7-қосымшаға сәйкес нысан бойынша кідіртілген тауарларды өтеусіз беру актілерін, жою актілерін, кәдеге жаратуға (қайта өңдеуге) қабылдап алу-беру актілерін тіркеу журналында өтпелі тәртіппен жүзеге асырылады.

4-тарау. Кідіртілген тауарларды тасымалдау (тасу), қайта тиеу (тиеу, түсіру), сақтау бойынша шығыстарды, өткізуге дайындауға және өткізумен байланысты өзге де шығыстарды өтеу тәртібі

Төлеуге жататын кедендік төлемдерді, салықтарды аудару, кідіртілген тауарларды тасымалдау (тасу), қайта тиеу (тиеу, түсіру), сақтау бойынша шығыстарды, өткізуге дайындауға және өткізумен байланысты өзге де шығыстарды өтеу уәкілетті заңды тұлғаның банктік есеп-шотынан осындай әрекеттерді жасағанын растайтын құжаттарды мемлекеттік кірістер органына жолдай отырып жүргізіледі.
Уәкілетті заңды тұлға кідіртілген тауарларды өткізуден алынған ақша құралдары түскен күннен бастап 3 (үш) жұмыс күні ішінде шығыстарды өтеуді мынадай кезекте жүргізеді:

бірінші кезекте мемлекеттік кірістер органы ұсынған деректемелер бойынша осы сомаларды республикалық бюджетке аударумен осы тауарларды кідірткен күнге кідіртілген тауарларды ішкі тұтыну үшін шығару кедендік рәсіміне орналастыру кезінде төленуге жататын кедендік әкелу баждар, салықтар мөлшерінде есептелген сома өтеледі;

екінші кезекте тең үлесте осындай ұйым ұсынған деректемелер бойынша кідіртілген тауарларды тасымалдау (тасу), қайта тиеу (тиеу, түсіру), сақтау бойынша шығыстар, өткізуге дайындалуға және өткізумен байланысты өзге де шығыстар, бірақ сатып алу-сату шартына, комиссия шартына қол қою күніне есептелген сомадан артық емес ұйымның шығыстары, оның ішінде, № 111 бұйрықпен белгілінген мөлшердегі уәкілетті заңды тұлғаның сыйақысы өтеледі.

Уәкілетті заңды тұлға ақша құралдарын аударған күннен бастап 2 (екі) жұмыс күні ішінде мемлекеттік кірістер органына осы Қағидалардың
48-тармағында көзделген әрекеттерді орындау туралы жазбаша хабарлама жолдайды.
Кідіртілген тауарларды тасымалдау (тасу), қайта тиеу (тиеу, түсіру), сақтау бойынша шығыстарды, өткізуге дайындалуға және өткізумен байланысты өзге де шығыстарды, оның ішінде оларды өзге де пайдалану не жою кезінде өтелмеген шығыстарды кідіртілген тауарлардың иесі өтейді, ал ол жоқ болған жағдайда, егер тауарлардың жекелеген санаттарына қатысты өзгеше көзделмесе, Қазақстан Республикасының бюджеттік заңнамасында белгіленген тәртіппен бюджет қаражаты есебінен өтеледі.

5-тарау. Кідіртілген тауарларды өткізуден алынған сомаларды қайтару тәртібі

Кідіртілген тауарларды өткізуден алынған сомаларды қайтару уәкілетті заңды тұлғаның банктік есеп-шотынан осындай әрекеттерді жасағанын растайтын құжаттарды мемлекеттік кірістер органына жолдай отырып жүргізіледі.
Мемлекеттік кірістер органы кідіртілген тауарларды өткізуден алынған қалдық сома бар болған жағдайда, осы Қағидалардың 49-тармағында көрсетілген хабарламаны алған күнінен бастап 2 (екі) жұмыс күні ішінде, кідіртілген тауарлардың иесіне кідіртілген тауарларды өткізуден алынған, оған тиесілі соманың бар екендігі туралы жазбаша хабарлайды.
Кідіртілген тауарлардың иесінен Кодекстің 457-бабының 2-тармағында белгіленген мерзімде жауап алғаннан кейін мемлекеттік кірістер органы уәкілетті заңды тұлғаға кідіртілген тауарларды өткізуден қалған сомаларды кідіртілген тауарлардың иесіне қайтаруды жүзеге асыру қажеттілігі туралы тапсырманы жолдайды.
Тапсырманы алғаннан кейін уәкілетті заңды тұлға 3 (үш) жұмыс күнінің ішінде кідіртілген тауарлардың иесіне мемлекеттік кірістер органы ұсынған деректемелер бойынша кідіртілген тауарларды өткізуден қалған сомаларды қайтаруды жүзеге асырады және 2 (екі) жұмыс күнінің ішінде мемлекеттік кірістер органына жүргізілген аударулар туралы хабарлайды.
Кодекстің 457-бабының 2-тармағында белгіленген мерзімнің өтуі бойынша кідіртілген тауарлардың иесі туралы мәліметтер болмаған кезде, уәкілетті заңды тұлға мемлекеттік кірістер органы ұсынған деректемелер бойынша талап етілмеген ақша құралдарының сомасын республикалық бюджетке аударады. Уәкілетті заңды тұлға республикалық бюджетке ақша құралдарын аудару жүргізген күннен бастап 2 (екі) жұмыс күні ішінде мемлекеттік кірістер органына жүргізілген аудару туралы ақпаратты жолдайды.
Мемлекеттік кірістер органы кідіртілген тауарларды өткізуді жүргізу қорытындысы бойынша аударылған ақша құралдарының сомалары бойынша уәкілетті заңды тұлғамен салыстыруды жүргізеді.

Кідіртілген тауарларды

өткізу, пайдалану және жою,

1-қосымша

Нысан

Кідіртілген тауарларға қатысты шаралар қабылдау жөніндегі

комиссия отырысының хаттамасы

20___ жылғы «___»___________ ____________________

(жасалған күні) (жасалған орны)

Тауарларды өткізу, пайдалану, жою, сондай-ақ оларды сақтау бойынша шығындарды өтеу мәселелерін қарау жөніндегі комиссия (бұдан әрі – Комиссия) құрамында:

1.____________________________________________________________

2.___________________________________________________________

3.____________________________________________________________

(тегі, аты, әкесінің аты (ол болған жағдайда), лауазымы)

Комиссия отырысының күн тәртібі:

1) ____________________________________________________________

2) ____________________________________________________________

Ұсынылған құжаттарды қарап, Комиссия:

___________________________________________________________шешті

(комиссия қабылдаған шешім)

Қабылдалған шешімге сәйкес

_______________________________________________________тапсырылсын

(Комиссия қабылдаған шешімді іске асыру бойынша іс-шаралар)

Комиссия мүшелері:

1.____________________________________________________________

2.____________________________________________________________

3.____________________________________________________________

(адамдардың тегі, аты, әкесінің аты (ол болған жағдайда), лауазымы, қолы)

Төраға________________________________________________________

(адамның тегі, аты, әкесінің аты (ол болған жағдайда), лауазымы, қолы)

Хатшы________________________________________________________

(адамның тегі, аты, әкесінің аты (ол болған жағдайда), лауазымы, қолы)

Кідіртілген тауарларды

өткізу, пайдалану және жою,

2-қосымша

Нысан

Тауарларды кідірткен мемлекеттік кірістер органының атауы _______________

____________________________________________________________________

Кідіртілген тауарлардың сақтау орны ___________________________________

Кідіртілген тауарлар туралы мәліметтер

Р/с №	Кідірту хаттамасының нөмірі мен күні	Тауардың атауы, олардың сипаттамасы	Саны
1	2	3	4

(кестенің жалғасы)

Тауарлардың кедендік құны, теңгемен

Кідіртілген тауарларды тасымалдау (тасу), қайта тиеу (тиеу, түсіру), сақтау үшін шығындар құны, теңгемен

Республикалық бюджетке төлеуге жататын кедендік баждардың, салықтардың мөлшері (кірістерді бюджеттік жіктеу кодының деректемелері), теңгемен

Мемлекеттік кірістер органының өкілі

________________________ ______________________________________

(қолы) (тегі, аты, әкесінің аты (ол болған жағдайда)

20____ жылғы «___»__________

Кідіртілген тауарларды

өткізу, пайдалану және жою,

3-қосымша

Нысан

№____ тез бұзылатын тауарларды сауда қызметі субъектісіне

қабылдау-беру актісі

20___ жылғы «___»____________ _______________

(жасалған күні) (жасалған жері)

Уәкілетті заңды тұлғаның өкілі ____________________________________

____________________________________________________________________

(тез бұзылатын тауарларды сатуға уәкілетті тұлғаның ____________________________________________________________________

тегі, аты, әкесінің аты (ол болған жағдайда), лауазымы)

____________________________________________________________________

Уәкілетті заңды тұлға және сауда қызметі субъектісі жасаған комиссия шартының негізінде ____________________________________________________________________

(Комиссия шартының нөмірі мен күні)

____________________________________________________________________

(сауда қызметі субъектісінің атауы, тауарлардың қабылдауын жүзеге асырған ____________________________________________________________________

ұйым өкілдерінің тегі, аты, әкесінің аты (ол болған жағдайда))

мынадай тауарларды берді:

№

Тауардың атауы

Саны

Осы акт _______ данада жасалды.

Берді:

1.______________________________________________________________

2.______________________________________________________________

(тауарды берген адамның тегі, аты, әкесінің аты (ол болған жағдайда), лауазымы, қолы)

Қабылдады:

1.______________________________________________________________

2.______________________________________________________________

(тауарды қабылдаған адамның тегі, аты, әкесінің аты (ол болған жағдайда), лауазымы, қолы)

Кідіртілген тауарларды

өткізу, пайдалану және жою,

4-қосымша

Нысан

№____ тауарларды өтеусіз беру актісі

20___ жылғы «___»____________ _______________

(жасалған күні) (жасалған орны)

Мемлекеттік кірістер органының лауазымды адамы (адамдар) __________

____________________________________________________________________

(Тауарларды өткізу, пайдалану, жою, сондай-ақ оларды сақтау бойынша шығындарды өтеу мәселелерін қарау жөніндегі комиссия (бұдан әрі – Комиссия) тауарларды өтеусіз беруге уәкілеттік берген лауазымды адамның ____________________________________________________________________

тегі, аты, әкесінің аты (ол болған жағдайда), лауазымы)

____________________________________________________________________

Комиссияның шешімі негізінде ____________________________________________________________________

(Комиссия отырысы хаттамасының нөмірі мен күні)

____________________________________________________________________

(ұйымның атауы, тауарлардың қабылдауын жүзеге асырған ұйым өкілдерінің ____________________________________________________________________

тегі, аты, әкесінің аты (ол болған жағдайда))

мынадай тауарларды берді:

№

Тауардың атауы

Саны

Осы акт _______ данада жасалды.

Берді:

1.______________________________________________________________

2.______________________________________________________________

(тауарды берген адамның тегі, аты, әкесінің аты (ол болған жағдайда), лауазымы, қолы)

Қабылдады:

1.______________________________________________________________

2.______________________________________________________________

(тауарды қабылдаған адамның тегі, аты, әкесінің аты (ол болған жағдайда), лауазымы, қолы)

Кідіртілген тауарларды

өткізу, пайдалану және жою,

5-қосымша

Нысан

№ ______ кідіртілген тауарларды жою туралы акт

20___ жылғы «___»____________ ______________

(жасалған күні) (жасалған орны)

Ұйым__________________________________________________________

(жоюды жүзеге асырған ұйымның атауы)

____________________________________________________________________

(жоюды жүзеге асырған ұйым адамының тегі, аты, әкесінің аты (ол болған жағдайда, лауазымы)

____________________________________________________________________

Мемлекеттік кірістер органының лауазымды адамдарының_____________

___________________________________________________________қатысумен

(Тауарларды өткізу, пайдалану, жою, сондай-ақ оларды сақтау бойынша шығындарды өтеу мәселелерін қарау жөніндегі комиссия (бұдан әрі – Комиссия) тауар жоюға уәкілеттік берген адамның тегі, аты, әкесінің аты (ол болған жағдайда), лауазымы)

____________________________________________________________________

(тауарды жойған кезде қатысатын өзге адамдарды, оның ішінде кідіртілген тауарлардың иесін көрсету)

___________________________________________________________қатысумен

Комиссияның шешімі негізінде _______________________________________

(Комиссия отырысы хаттамасының нөмірі және күні)

Мынадай:

№

Тауардың атауы

Саны

20___жылғы «______»__________№ ____ тауарларды және оларға құжаттарды кідірту хаттамасы бойынша кідіртілген тауарларды жойды.

Кідіртілген тауарлар _____________________________________________

аумағында ___________________________________________________________

____________________________________________________________________

(жоюды жүргізген ұйымның атауы және жою орны)

____________________________________________________________________

(жою тәсілдері)

____________________________________________________жолымен жойылды

Осы акт _______ данада жасалды.

Қатысқандар:

1.______________________________________________________________

2.______________________________________________________________

3.______________________________________________________________

4.______________________________________________________________

(жою кезінде қатысқан адамның тегі, аты, әкесінің аты (ол болған жағдайда), лауазымы, қолы)

Кідіртілген тауарларды

өткізу, пайдалану және жою,

6-қосымша

Нысан

№______тауарларды кәдеге жаратуға (қайта өңдеуге)

қабылдап алу-беру актісі

20___ жылғы «___»____________ ______________

(жасалған күні) (жасалған орны)

Мемлекеттік кірістер органының лауазымды адамы (адамдар) __________

(Тауарларды

____________________________________________________________________

өткізу, пайдалану, жою, сондай-ақ оларды сақтау бойынша шығындарды өтеу мәселелерін қарау жөніндегі комиссия (бұдан әрі – Комиссия) тауарларды кәдеге жаратуға (қайта өңдеуге) тапсыруға уәкілеттік берген адамның тегі, аты, әкесінің аты (ол болған жағдайда), лауазымы)

Комиссияның шешімі негізінде _________________________________________

(Комиссия отырысы хаттамасының нөмірі және күні)

____________________________________________________________________

(тауарлардың қабылдауын және (немесе) қайта өңдеуін жүзеге асыратын кәсіпорынның атауы, ____________________________________________________________________

тауарлардың қабылдауын жүзеге асырған кәсіпорын өкілдерінің тегі, аты, әкесінің аты (ол болған жағдайда)

мынадай тауарларды тапсырды:

№

Тауардың атауы

Саны

Осы акт _______ данада жасалды.

Тапсырды:

1.______________________________________________________________

2.______________________________________________________________

(тауарды тапсырған адамның тегі, аты, әкесінің аты (ол болған жағдайда), лауазымы, қолы)

Қабылдады:

1.______________________________________________________________

2.______________________________________________________________

(тауарды қабылдаған адамның тегі, аты, әкесінің аты (ол болған жағдайда), лауазымы, қолы)

Кідіртілген тауарларды

өткізу, пайдалану және жою,

7-қосымша

Нысан

Кідіртілген тауарларды өтеусіз беру актілерін, жою актілерін, кәдеге жаратуға (қайта өңдеуге) қабылдап алу-беру актілерін тіркеу журналы

№	Актінің күні	Актінің түрі	Кідіртелген тауарларды беруді жүзеге асырған лауазымды адамның (жою жүргізілген кезде қатысқан лауазым адамның) тегі, аты және әкесінің аты (ол болған жағдайда)	Тауарлар берілген (жоюды жүзеге асырған ұйымның) ұйымның атауы	Актінің тіркеуін жүзеге асырған лауазымды адамның қолы
1	2	3	4	5	6

Бұйрық Қазақстан Республикасының Әділет министрлігінде 2025 жылғы 25 тамызда № 36683 болып тіркелді.

Дата публикации

29 августа 2025