Артық төленген салықты басқа салық түріне есепке алу немесе қайтарып алу шаралары толықтай автоматты түрде жүргізіледі. Ол үшін салық төлеуші интернет желісі бар кез-келген өзіне ыңғайлы орыннан электронды қолтаңба арқылы www.egov.kz «электрондық Үкімет» веб-порталымен немесе Мемлекеттік кірістер комитетінің «Салық төлеушінің кабинеті» web-қосымшасы арқылы тиісті өтініш нысанын толтырып ұсынады. Сонымен қатар, бүгінгі таңда ҚР ҚМ Мемлекеттік кірістер комитеті порталының «e-Salyq Azаmat» мобильді қосымшасында «Салық әмияны» қызметі іске қосылған. Осы қосымшаның «артық төлемді басқару» арқылы артық төлемдерді бюджеттен қайтарып алу немесе салықтың басқа түріне есепке алу өтінішін ұсыну мүмкіндігі қарастырылған.
Артық төленген салықты қайтаруға арналған құжаттар салық органына салық сомасы бюджетке төленген күннен бастап үш жыл мерзім өткенге дейін ұсынылуы тиіс.
Есепке алу немесе бюджеттен қайтарып алу іс-шаралары 5 (бес) жұмыс күні ішінде жүргізіледі.