Жиі қойылатын сұрақтар
Жеке тұлғалар жеке пайдалануға арналған тауарларды құны 10 000 евродан аспайтын және салмағы 50 кг – нан аспайтын әуе көлігімен, өзге де көлік түрлерімен және жаяу тәртіппен-құны 500 евродан аспайтын және салмағы 25 кг-нан аспайтын мөлшерде бажсыз әкеле алады.
Белгіленген нормалар асып кеткен жағдайда кедендік баждарды, салықтарды құнынан 30% бірыңғай ставка бойынша, бірақ құндық және (немесе) салмақтық нормалардан асып кету бөлігінде 1 кг салмақ үшін кемінде 4 евро төлеу талап етіледі.
Қазақстан Республикасының азаматтары 2014 жылғы 10 қазанға дейін Арменияда кедендік рәсімделген автомобильдерді Қазақстан Республикасының аумағына әкеле алады.
Арменияда кедендік ресімделмеген автомобильдер 2014 жылғы 10 қазаннан бастап 2020 жылғы 1 қаңтарға дейінгі кезеңде шетелдік тауарлар деп танылады және кедендік бақылауда болады.
Аталған автомобильдерді Қазақстан Республикасының аумағына Арменияда тұрақты тұратын адамдар ғана уақытша әкеле алады.
Арменияда тұрақты тұрмайтын тұлғалар көрсетілген автомобильдерді Қазақстан Республикасының аумағына мынадай жағдайларда әкеле алады:
1) "жеке пайдалануға арналған тауарларға байланысты жекелеген мәселелер туралы" Еуразиялық экономикалық комиссия Кеңесінің 2017 жылғы 20 желтоқсандағы № 107 шешіміне 2-қосымшада көрсетілген мөлшерлемелер бойынша төленуге жататын кедендік баждар, салықтар сомаларының айырмасы мөлшерінде кедендік баждар, салықтар төленгеннен кейін және кедендік баждардың, салықтардың төленген сомалары мөлшерінде;;
2) 2023 жылғы 1 қаңтардан кейін.
Бұдан басқа, автомобильдерді сатып алу кезінде азаматтарға аумақтық мемлекеттік кірістер органдарына жүгіну жолымен автомобильдерді әкелудің және кедендік тазартуды жүргізудің заңдылығын тексеруді ұсынамыз.
Көлік салығын ҚР ҚМ Мемлекеттік кірістер комитетінің порталында орналасқан "Калькулятор" сервисінің көмегімен дербес есептеуге болады kgd.gov.kz "Электрондық сервистер" бөлімінде және Е-SalyqAzamat мобильді қосымшасында (AppStore және PlayMarket-тен жүктеу)
Мүлік салығын төлеуден босату Жеке тұратын зейнеткерлер үшін 1000 еселенген АЕК мөлшері шегінде меншік құқығындағы барлық объектілердің жалпы құнынан көзделген.
ҚР ҚМ Мемлекеттік кірістер комитетінің порталында kgd.gov.kz "Электрондық сервистер" бөлімінде салық берешегінің жоқ (бар) екендігі туралы мәліметтерді Е-SalyqAzamat мобильді қосымшасынан (AppStore және PlayMarket-тен жүктеу) көре аласыз.