Баға белгілеу жөніндегі нормативтік құжаттарды бекіту туралы
«Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі ережесінің 14-тармағының 27) және 29) тармақшаларына, «Құрылыстағы баға белгілеу жөніндегі нормативтік құжаттарды мақұлдау туралы» Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті Ғылыми-техникалық кеңесінің 2020 жылғы 21 қыркүйектегі № 09-1 қаулысына сәйкес БҰЙЫРАМЫН:
- Қоса беріліп отырған:
- Диаметрі 400 мм-ден 1200 мм дейін екі қабатты профильденген қабырғасы бар полимерлік құбырлардан жасалған сыртқы кәріз желілерін төсеу бойынша технологиялық карта;
- Сыртқы жарықтандырудың дөңгелек және көп қырлы болат тіректерін монтаждауға арналған технологиялық карта;
- Қаңқалы-қалқанды технология бойынша аз қабатты құрылыс кезінде құрылымдық оқшаулағыш панельдерден (ҚОП) ішкі және сыртқы қабырғаларды монтаждау бойынша технологиялық карта;
- Полимерлік таспалармен диаметрі 219 - 1020 мм зауыттық және базалық оқшаулағышы бар құбырлардың дәнекерленген түйіспелерін оқшаулау жөніндегі техникалық-нормалау картасы;
- Механикаландырылған аспапты қолдана отырып, мамандандырылған базаларда темір-бетон шпалдарда рельс шпал торларын «Фосло» және ЖБР-65 бекіткіш типтерімен құрастыру бойынша техникалық-нормалау картасы;
- Цемент және полимерлік қоспалардан жасалған құю едендерінің құрылғысы бойынша техникалық-нормалау картасы;
- Құрғақ қоспалардан жасалған желім ерітіндісінде едендік және қабырғалық плиткаларды төсеу бойынша техникалық- нормалау картасы;
- Құрғақ қоспалардан жасалған желім ерітіндісінде мәрмәр және гранит плиталардан жабын орнату жөніндегі техникалық-нормалау картасы;
- Көп қабатты паркет тақтайларынан және жаппай паркет тақталарынан еден жабындарын орнату жөніндегі техникалық-нормалау картасы;
- Линолеумнан едендерді орнату жөніндегі техникалық-нормалау картасы;
- Металл жабынынан жасалған бір қырлы және екі қырлы шатырларды орнату жөніндегі техникалық-нормалау картасы;
- Бір еңісті және екі еңісті шатырлы жабындардың белағаш жүйесін орнату бойынша техникалық-нормалау картасы бекітілсін.
- Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі – Комитет) Құрылыстағы сметалық нормалар басқармасы заңнамада белгіленген тәртіппен осы бұйрықты Комитеттің ресми интернет-ресурсына орналастыруды қамтамасыз етсін.
- Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
- Осы бұйрық 2020 жылғы 5 қазаннан бастап күшіне енеді.