Құрылыстағы баға белгілеу жөніндегі нормативтік құжаттарды бекіту туралы

Құрылыстағы баға белгілеу жөніндегі нормативтік құжаттарды бекіту туралы

 

 

«Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық  даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі  ережесінің  14-тармағының  27) және  29)  тармақшаларына,  «Құрылыстағы  баға белгілеу жөніндегі нормативтік құжаттарды мақұлдау туралы»  Қазақстан Республикасы Индустрия  және инфрақұрылымдық  даму  министрлігінің   Құрылыс  және тұрғын  үй-коммуналдық   шаруашылық  істері  комитеті Ғылыми-техникалық  кеңесінің  2020  жылғы  23 маусымдағы № 06-1 қаулысына сәйкес БҰЙЫРАМЫН:

1. «Құрылыс үшін жобалау жұмыстарына арналған бағаларды қолдану жөніндегі жалпы ережелер» ҚР СЖЖ 8.03-01-2020 бекітілсін. 
2. Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі – Комитет) Құрылыстағы сметалық нормалар басқармасы заңнамада белгіленген тәртіппен осы бұйрықты Комитеттің ресми интернет-ресурсына орналастыруды қамтамасыз етсін.
3. Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
4. Осы бұйрық 2020 жылғы 11 тамыздан бастап күшіне енеді.

 

 

Төраға                                                                                                                                М. Жайымбетов

Дата публикации

26 августа 2020