Меню
Бірыңғай қазынашылық шоттан уақытша бос бюджеттік ақшаны орналастыруға қатысуға жіберілетін Екінші деңгейдегі банктердің және (немесе) Ұлттық почта операторының критерийлері*:
1) банк операцияларын жүргізу құқығына тиісті лицензияның болуы;
2) жиынтық активтер бір триллион теңгеден төмен емес;
3) меншікті капиталы бес жүз миллиард теңгеден төмен емес;
4) "Standard&Poor 's" немесе "FitchRatings" рейтингтік агенттіктерінің шкаласы бойынша "BB -" деңгейінен төмен емес немесе "Moody' s Investors Service" ұқсас рейтинг шкаласы бойынша "Ba3" - тен төмен емес халықаралық рейтинг не мемлекеттің қатысу үлесінің жүз пайызының болуы;
5) қатысушының бұрын орналастырылған уақытша бос бюджет ақшасы бойынша мерзімі өткен берешегінің болмауы және қатысушының пруденциялық нормативтерді сақтауы;
6) депозиттерге міндетті ұжымдық кепілдік беру (сақтандыру) жүйесіне қатысу (Қазақстандық депозиттерге кепілдік беру қоры).
* Қазақстан Республикасы Үкіметінің 2025 жылғы 08 тамыздағы № 603 қаулысымен бекітілген Бірыңғай қазынашылық шоттан уақытша бос бюджеттік ақшаны орналастыру қағидаларының 7-тармағы.