1966 жылы Фурманов ауданы Фурманов ауылында дүниеге келген. Ұлты – қазақ. Білімі-жоғары. 1990 жылы Өскемен қаласындағы жол құрылысы институтын «жол инженері» мамандығы бойынша бітіріп, Фурманов ауданындағы жол мекемесінің жол шебері болып еңбек жолын бастаған.
1994-1997 жылдары Жалпақтал жол-өндірістік учаскесінің бас инженері, 1997-1998 жылдары «Оралавтодор» қазыналық кәсіпорны мекемесінің бас маманы, 1998-1999 жылдары «Оралавтодор» жол пайдалану қазыналық кәсіпорны мекемесі директорының орынбасары, 1999-2000 жылдары «Казахавтодор» РМКК БатысҚазақстан облысы филиалының бас инженері, 2000-2001 жылдары Батыс Қазақстан облысы автомобиль жолдары мекемесінің директоры, 2001-2002 жылдары Батыс Қазақстан облысының автомобиль жолдары басқармасының бастығы, 2002-2004 жылдары Казталов ауданының әкімі, 2005-2006 жылдары «Казахавтодор» РММ бас директорының орынбасары қызметтерін атқарған. 2006-2007 жылдары Қазақстан Республикасы транспорттық инфрақұрылымды дамыту комитеті төрағасының орынбасары лауазымында болып, қазіргі уақытта осы мекеменің төрағасы қызметінде.
Қазақстан автомобиль жолдарының қалыптасуына қосқан үлесі үшін 2007 жылы «Ерен еңбегі үшін», 2008 жылы «Астананың 10 жылдығы» медальдарымен марапатталып, «Құрметті жолшы» атағы берілген.
Казталов аудандық мәслихатының 2009 жылғы 25 желтоқсандағы №24-8 шешімімен «Ауданның құрметті азаматы» атағы берілді.