1930 жылы Батыс Қазақстан облысы Казталов ауданында дүниеге келген. Білімі жоғары, 1952 жылы Алматы қаласындағы С.М.Киров атындағы мемлекеттік университетінің физика-математика факультетін бітірген.
1952-1956 жылдары Батыс Қазақстан облысы Фурманов ауданының Фурманов орта мектебі директоры, 1956-1963 жылдары Казталов ауданының Богатырев орта мектебі директоры, 1963-1969 жылдары Казталов аудандық халыққа білім беру бөлімінің меңгерушісі, 1969-1978 жылдары Алма Оразбаева атындағы орта мектебінің директоры, 1979-1990 жылдары Казталов селолық Советінің председателі қызметтерін атқарған. 1990 жылдан облыстық дәрежедегі дербес зейнеткер.
Халық ағарту саласындағы қажырлы еңбегі және мінсіз қызметі үшін 1963 жылы «Қазақ ССР халық ағарту ісінің озық қызметкері» белгісімен, 1967 жылы Қазақ ССР халық ағарту министрлігінің Құрмет грамотасымен, 1970 жылы СССР оқу министрлігінің Құрмет грамотасымен марапатталған.
Казталов аудандық мәслихатының 2017 жылғы 12 мамырдағы №10-9 шешімімен «Ауданның құрметті азаматы» атағы берілді.