1938 жылы 12 сәуірде Батыс Қазақстан облысы Фурманов ауданы Теңдік ауылдық советіне қарасты Борық ауылында дүниеге келген.
Білімі арнаулы орта, 1983 жылы Ресей Федерациясының Саратов қаласындағы Бүкілодақтық жол құрылысы техникумын бітірген. Бірнеше рет Өскемен, Омек, Алматы қалаларындағы біліктілікті арттыру курстарына қатысып, мамандығын жетілдірген.
Ұзақ жылдар Батыс Қазақстан облысы Фурманов ауылындағы жол пайдалану учаскесінің бастығы қызметін атқарған. Қазақстан Компартиясы Фурманов аудандық комитетінің бірнеше рет пленум мүшесі, халық депутаттары Фурманов аудандық Кеңесінің депутаты болып сайланған.
«Ерен еңбегі үшін» медалімен, «В.И. Лениннің туғанына 100 жыл» және басқа да көптеген мерекелік медальдармен марапатталған.
Казталов аудандық мәслихатының 2018 жылғы 30 наурыздағы №20-9 шешімімен «Ауданның құрметті азаматы» атағы берілді.