1942 жылы 2 ақпанда Атырау облысы Құрманғазы ауданы Сүйіндік ауылында дүниеге келген. 1960 жылы Батыс Қазақстан облысы Казталовка ауылындағы Алма Оразбаева орта мектебін бітірген. Білімі жоғары, 1965 жылы Алматы малдәрігерлік-зоотехникалық институтының малдәрігерлік факультетін тәмәмдаған, мамандығы – мал дәрігері.
Әр жылдары Казталов ауданының ауыл шаруашылығы саласында жұмыс жасаған. 1965-1967 жылдары аудандық ветеринариялық станциясында мал дәрігері, 1967-1972 жылдары «Казталовка» қой совхозында бас мал дәрігері , 1972-1998 жылдары аудандық ветеринариялық станция директоры, аудандық ауыл шаруашылығы басқармасының, кейіннен аудандық агроөнеркәсіп кешені бірлестігінің бас мал дәрігері, «Мирон»мамандандырылған мал бордақылау совхозының директоры, бас мал дәрігері, 1998-2005 жылдары Қазақстан Республикасы Ауыл шаруашылығы министрлігі Казталов аудандық аумақтық басқармасының бастығы қызметтерін атқарған. 2005 жылдан бері зейнеткерлік демалыста.
«Қазақстан Республикасының Тәуелсіздігіне 30 жыл» мерекелік медалімен, Қазақстан Республикасы Президентінің Алғыс хатымен және басқа да бірқатар мақтау қағаздарымен марапатталған.
Казталов аудандық мәслихатының 2022 жылғы 25 қарашадағы №24-2 шешімімен «Ауданның құрметті азаматы» атағы берілді.