Қоғамдық кеңестер - коммерциялық емес ұйымдармен, азаматтармен бірлесіп, министрліктер, Қазақстан Республикасының Президентіне тікелей бағынысты және есеп беретін органдар, сондай-ақ жергілікті мемлекеттік басқару органдары өз құзыретіндегі мәселелер бойынша құратын консультативтік - кеңесші, байқаушы органдар болып табылады, яғни мемлекет пен қоғамның өзара іс-қимылының пәрменді құралдарының бірі ретінде «Халық үніне құлақ асатын мемлекетті» қалыптастырудың маңызды буыны іспеттес.
Казталов аудандық Қоғамдық кеңесінің үшінші құрамында 11 мүше бар, оның 2-і әйел азаматша болса, 9-ы ер азаматтар, соның ішінде 5-і кәсіпкерлікпен айналысса, 3-і бюджеттік сала мамандары, 3-і зейнеткер, 2-уі қоғамдық бірлестік өкілдері болып табылады, яғни азаматтық қоғам өкілдерінің үлесі 72,7 пайызды, мемлекеттік орган өкілдері 27,3 пайызды құрайды.
Қоғамдық кеңестің жаңа құрамы Қазақстан Республикасының 2015 жылғы 2 қарашадағы «Қоғамдық кеңестер туралы» Заңы мен Қазақстан Республикасы Ақпарат және қоғамдық даму министрінің 2021 жылғы 26 ақпандағы №69 бұйрығымен бекітілген «Қоғамдық кеңес туралы үлгілік ереже» талаптарына сәйкес қалыптастырылып, Казталов аудандық мәслихатының 2022 жылғы 3 наурыздағы кезекті 14 сессиясының №14-5 шешімімен бекітілді.
2022 жылы аудандық Қоғамдық кеңестің 11 кезекті отырысы, 2 төралқа отырысы өтті, онда қоғамдық маңызы бар 53 мәселе қаралды, соның ішінде Қоғамдық кеңес мүшелерінің ұсынысымен 20 мәселе (37,7 пайыз) талқыланды.