Меню
1947 жылы Батыс Қазақстан облысы Казталов ауданы Қайыңды ауылында дүниеге келген. Білімі-жоғары, 1970 жылы Батыс Қазақстан ауыл шаруашылығы институтын, 1983 жылы Алматы Жоғары партия мектебін бітірген, мамандығы инженер-механик, саясаттанушы.
Алғашқы еңбек жолын механизатор болып бастап, 1970-1972 жылдары Казталов ауданының Жаңақала совхозында бас инженер, 1972-1981 жылдары аудандық партия комитетінің нұсқаушысы, аудандық «Казсельхохтехника» бірлестігінің басшысы, аудандық партия комитетінің хатшысы, болып қызмет атқарған. 1981-1983 жылдары Алматы жоғарғы партия мектебінде оқып, Чапаев аудандық ауыл шаруашылығы басқармасының басшысы, Қаратөбе аудандық партия комитетінің екінші хатшысы, 1987-1991 жылдары Фурманов аудандық партия комитетінің бірінші хатшысы, аудандық Кеңестің төрағасы,.2000 жылға дейін облыстық «Агротехсервис» бірлестігінің бірінші орынбасары, облыстық ауыл шаруашылығы басқармасы басшысының орынбасары, басшысы қызметтерінде болған.
Қазақстан Республикасы Парламенті Мәжілісіне депутат болып сайланған, Мәжілістің СК «Сая» қызметпен қамту комитеті, аграрлық мәселелер жөніндегі басқарма төрағасының бас кеңесшісі болып істеді. Қазіргі уақытта зейнеткер.
Казталов аудандық мәслихатының 2014 жылғы 9 желтоқсандағы №30-2 шешімімен «Ауданның құрметті азаматы» атағы берілді.