Меню
1935 жылы 19 қаңтарда Батыс Қазақстан облысы Фурманов ауданы Фурманов ауылында дүниеге келген. 1943-1953 жылдары Фурманов орта мектебінде оқыған. 1953-1958 жылдары Алматы қаласындағы ауылшаруашылық институтында оқып, «мал дәрігері» мамандығын алып шығады. Еңбек жолын 1958 жылы асыл тұқымды «Пятимар» қой совхозының мал дәрігері болып бастаған, кейін Борық бөлімшесінде мал дәрігері болып істейді.1959 жылы Фурманов аудандық партия комитетінің жолдауымен ХХ партия сьезі атындағы колхозда бас мал дәрігері болып қызмет атқарған.1949 жылдан 1960 жылға дейін БЛКЖО мүшесі,1960 жылы коммунистік партия мүшелігіне кандидат, 1962 жылдан бастап коммунистік партия мүшесі.
1963 жылдың наурыз айында Фурманов аудандық партия комитетінде партия жұмысын ұйымдастырушы, 1964-1966 жылдары Алматы жоғарғы партия мектебінің тыңдаушысы, 1966-1972 жылдары аудандық партия комитетінің хатшысы, 1972-1984 жылдары аудандық партия комитетінің екінші хатшысы, 1984-1986 жылдары Фурманов аудандық атқару комитеті төрағасы, 1990-1996 жылдары қоршаған ортаны қорғау комитетінің төрағасы болып жауапты қызметтерді атқарады.
1966-1990 жылдары Фурманов аудандық партия комитетінің мүшесі, аудандық совет депутаты,1976 жылы облыстық партия комитетінің мүшесі болып сайланады.
«В.И.Лениннің 100 жылдығы», Қазақстан Республикасының Тәуелсіздігіне 20 жыл» мерекелік медальдарымен және Батыс Қазақстан облыстық партия комитетінің алғыс хаттарымен марапатталған.
Казталов аудандық мәслихатының 2014 жылғы 9 желтоқсандағы №30-2 шешімімен «Ауданның құрметті азаматы» атағы берілді.