Меню
1955 жылы Батыс Қазақстан облысы Казталов ауданы Қошанкөл ауылында дүниеге келген. Білімі орта. Электрик, байланысшы, диспетчер болып еңбек ете жүріп, ауылдағы мәдени шараларды өткізуге атсалысқан. Табиғи талантымен ел-жұртқа танылып, Қошанкөл ауылдық округінде автоклуб меңгерушісі, мәдениет үйінің директоры қызметтерін атқарған.
Ауданның қоғамдық-мәдени өміріне тұрақты және белсене қатысып, «Бигалиевтер» отбасылық ансамблін құрады. Ансамбль жетекшісі ретінде фотосуреті аудан орталығындағы Құрмет тақтаға ілінеді.
«Бигалиевтер» отбасылық ансамблі - аудандық және облыстық деңгейде өткізілген «Мерейлі отбасы» ұлттық конкурсының жеңімпазы, Қазақстан Республикасы Тұңғыш Президенті-Елбасы қорының арнайы сыйлығының иегері.
Казталов аудандық мәслихатының 2016 жылғы 27 желтоқсандағы №8 шешімімен «Ауданның құрметті азаматы» атағы берілді.