Меню
1946 жылы 15 мамырда Батыс Қазақстан облысы Казталовка ауданы Казталовка ауылында дүниеге келген. 1953 жылы Кекей ауылындағы бастауыш мектебіне барған. Оқуын аудан орталығындағы Алма Оразбаева атындағы орта мектепте жалғастырып, 1965 жылы 11 сыныпты орысша бітірген. 1965 жылы Батыс Қазақстан ауылшаруашылық институтының экономика факультетіне түсіп, 1970 жылы «ғалым агроном - экономист» мамандығы бойынша тәмәмдаған.
1970-1972 жылдары «Бостандық» совхозында экономист болып жұмыс жасаған. Сол уақытта совхоз комсомол ұйымының қызметіне белсене араласып, Совет Армиясы қатарына шақырылатын жастармен алғашқы әскери дайындық жұмыстарын қоғамдық негізде жүргізген. 1972-1977 жылдары аудандық комсомол комитетінің бірінші хатшысы, 1977-1983 жылдары Ленин атындағы колхоз партия ұйымының хатшысы, колхоз басқармасы төрағасының орынбасары, 1988-1991 жылдары Фурманов аудандық ауыл шаруашылығы басқармасының бастығы, 1991-1993 жылдары Казталов ауданы әкімшілігі басшысының орынбасары, 1993-1995 жылдары партияның XXIV съезі атындағы совхоз директоры, 1995-2002 жылдары «ЗапКазАгроэкспорт-импорт» кәсіпорнының бас директоры, 2002-2003 жылдары «Фитосанитария» республикалық мемлекеттік кәсіпорны Батыс Қазақстан облысы бойынша филиалының директоры, 2003 жылдан бастап зейнеткерлікке шыққанға дейін «Южно-Гремяченское»ЖСШ директорының қаржы жөніндегі орынбасары қызметтерін атқарған.
«Еңбектегі ерлігі үшін» медалімен, бірнеше мерекелік медальдармен және мақтау қағаздарымен марапатталған.
Казталов аудандық мәслихатының 2022 жылғы 25 қарашадағы №24-2 шешімімен «Ауданның құрметті азаматы» атағы берілді.