Қазақстан Республикасының Ұлттық инженерлік академиясының жалпы жиналысының қорытындылары: ҒТТИ инженерлік салаға қосқан үлесіне жоғары баға берілді
Алматы қаласында Қазақстан Республикасы Ұлттық инженерлік академиясының (ҰИА ҚР) жалпы жиналысы өтті – бұл инженерия, ғылым және технологиялар саласындағы еліміздің жетекші мамандарын біріктіретін маңызды жыл сайынғы іс-шара. Жиналысқа мемлекеттік құрылымдардың, ұлттық компаниялардың, салалық ұйымдардың және инженерлік қауымдастықтың өкілдері қатысты.
Сессия барысында Академияның 2024–2025 жылдардағы қызметінің қорытындылары шығарылып, Қазақстан Республикасы Президентінің 2025 жылғы Жолдауында айқындалған міндеттерді ескере отырып, инженерлік саланы дамыту басымдықтары айқындалды. ҰИА РК Президенті, академик Бақытжан Жұмағұлов озық технологияларды енгізудің, ғылыми-өндірістік кооперацияны кеңейтудің және жоғары білікті инженер мамандарды даярлаудың маңыздылығын атап өтті.
Іс-шара барысында ұлттық технологиялық дербестікті дамытудағы инженерлік ұйымдардың рөліне ерекше назар аударылды.
«Ғарыштық техника және технологиялар» ЖШС дәстүрлі түрде Академия жұмысына белсенді қатысып, космостық техника, навигациялық жүйелер және жоғары технологиялық аппараттық-бағдарламалық шешімдер саласындағы отандық әзірлемелердің нәтижелерін таныстырады.
Сессия аясында «2025 жылдың үздік инженері» X мерейтойлық республикалық конкурсының қорытындысын шығару рәсімі өтті, онда инженерлік саланың дамуына елеулі үлес қосқан ғалымдар марапатталды.
Жеңімпаздардың қатарында жоба Бас инженері Сабыржан Жұмағали бар. Марапат оған заманауи навигациялық және ғарыштық жүйелерді жасау саласындағы жетістіктері үшін берілді, оның ішінде отандық аппараттық-бағдарламалық кешендерді, жоғары дәлдікті навигациялық модульдерді, инерциялық-спутниктік жүйелерді және ЕАЭО үшін интеллектуалды навигациялық пломбаны әзірлеу жұмыстары бар.
Сабыржан Жұмағалидың еңбегінің жоғары бағалануы ҒТТИ ЖШС Қазақстан Республикасының инженерлік ғылымын және технологиялық базасын дамытуға қосқан маңызды үлесін айғақтайды.
Институт инженерия саласындағы озық бағыттарды дамытуды жалғастырып, елдің технологиялық дербестігін арттыру жолындағы позициясын нығайтуда.