Алматы қаласында Халықаралық ғарыш форумы Space Days Kazakhstan 2025 өтеді

ҚР Цифрлық даму, инновациялар және аэроғарыш өнеркәсібі министрлігінің Аэроғарыш комитеті 2025 жылдың 8-9 қыркүйек күндері Алматы қаласында әл-Фараби атындағы Қазақ ұлттық университетінде  Space Days Kazakhstan 2025 халықаралық ғарыш форумы өтетінін хабарлайды.

Space Days Kazakhstan 2025 – жетекші сарапшылар мен әлемдік ғарыш агенттіктерінің өкілдерін біріктіретін маңызды халықаралық іс-шара.

Форум халықаралық ғарыш күн тәртібіне, жаңа салалық технологияларға және оларды тұрақты даму мен ғарыш саласындағы жаһандық ынтымақтастыққа пайдалану мәселелеріне арналған.

Форум аясында:

- 15 негізгі сессия

- 30-дан астам спикер

- 500-ден астам делегат қатысады деп жоспарлануда.

Қатысушылар арасында танымал ғарышкерлер, ғалымдар, инженерлер және саладағы жетекші компаниялардың басшылары бар.

 

Сайтқа өту: sdk2025.gharysh.kz