1958 жылы 10 наурызда Большенарым (қазіргі Үлкен Нарын) ауданы Балғын ауылында шаруа отбасында дүниеге келді. Білімі арнаулы орта. Алматы энерго-құрылыс техникумын аяқтаған. Өзінің еңбек жолын 1975 жылы Қазақстанның 40 жылдығы атындағы кеңшардың №3 бөлімшесінде тракторшы болып бастады. Кеңес әскерлері қатарында жауынгерлік борышын өтеген соң туған жерге оралып, Большенарым құрылыс учаскесінде құрылысшы болып жұмысқа орналасты. Алматы энерго-құрылыс техникумын бітіріп келіп, «Казэлектрострой» Өскемен филиалында электромонтер, электромонтаждау учаскесінің бригадирі ретінде еңбек етті. 1987-96 жылдары Қазақстанның 40 жылдығы атындағы кеңшардың №3 бөлімшесінде есепші, одан кейін тауарлы-сүт фермасының бригадирі қызметтерін атқарған. 1996 жылдың тамыз айынан 2013 жылдың тамызына дейін Шығыс Қазақстан облысы Катонқарағай ауданы Балғын ауылында «Мақсат» шаруа қожалығына жетекшілік етті. Аудандық мәслихаттың III шақырылымының депутаты.