2023 жыл ішінде негізгі капиталға 111 млрд.теңге инвестиция салынды, оның 92,4%-ы жеке инвестицияларды құрады, 80,6%-ы өңдеу секторына бағытталды.

Саран қаласының Солтүстік өнеркәсіптік аймағында Қарағанды облысы әкімдігінің 2021 жылғы 15 наурыздағы № 18/01 қаулысымен «Saran» индустриялық аймағы құрылды.

Индустриялық аймақтың алаңы 207 Га, оның ішінде инфрақұрылым 27 Га.

Саран қаласының экономикасына инвестиция тартуды қамтамасыз ету үшін Мемлекет басшысының тапсырмасы бойынша барлық жетіспейтін инфрақұрылымды индустриялық аймаққа жеткізу бойынша барлық жағдайлар жасалады.

Бүгінгі таңда Солтүстік өнеркәсіптік және индустриялық аймақ аумағында 6 инвестициялық жоба жүзеге асырылуда.

Инвесторлар іздеу және тарту бойынша жұмыс жұмыстағы басым бағыттардың қатарында. 500 млрд.теңгеден астам инвестиция тарта отырып, 2023 - 2026 жылдарға арналған 12 инвестициялық жобадан тұратын жобалар пулы қалыптастырылды.